ന്യൂദല്ഹി: ഇന്ത്യയില്നിന്ന് തീവ്രവാദം തുടച്ചുനീക്കേണ്ടതിന്റെ ആവശ്യകത പാകിസ്താനുമായി തുറന്ന മനസ്സോടെ ചര്ച്ച ചെയ്യുമെന്ന് ബ്രിട്ടീഷ് പ്രധാനമന്ത്രി ഡേവിഡ് കാമറണ്. ലശ്കറെ ത്വയ്യിബ, അഫ്ഗാനിസ്താനിലെയും പാകിസ്താനിലെയും താലിബാന് എന്നിവക്കെതിരായ പോരാട്ടത്തില് പാകിസ്താനൊപ്പം കൈകോര്ക്കാന് താല്പര്യമുണ്ടെന്നും അദ്ദേഹം കൂട്ടിച്ചേര്ത്തു. പ്രധാനമന്ത്രി മന്മോഹന്സിങ്ങുമായുള്ള കൂടിക്കാഴ്ചക്കുശേഷം ഇരുരാഷ്ട്ര തലവന്മാരും സംയുക്തമായി നടത്തിയ വാര്ത്താസമ്മേളനത്തില് സംസാരിക്കുകയായിരുന്നു കാമറണ്.
