Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightBahrainchevron_rightബോംബാക്രമണ കേസില്‍ 19...

ബോംബാക്രമണ കേസില്‍ 19 പ്രതികള്‍ക്ക് ജയില്‍ ശിക്ഷ

text_fields
bookmark_border

മനാമ: സിത്രയില്‍ നിയമ വിരുദ്ധമായി പ്രകടനം നടത്തി പൊലിസിനെ ആക്രമിക്കുകയും പോസ്റ്റ് ഓഫിസ് സെക്യൂരിറ്റി ഗാര്‍ഡ് റൂമിലേക്ക് ബോംബെറിയുകയും ചെയ്ത കേസില്‍ 19 പ്രതികള്‍ക്ക് ജയില്‍ ശിക്ഷ. 16 പ്രതികളെ 15 വര്‍ഷം തടവിനും മൂന്നു പ്രതികളെ പത്തുവര്‍ഷം തടവിനുമാണ് ഹൈ ക്രിമിനല്‍ കോടതി ശിക്ഷിച്ചത്. 
കഴിഞ്ഞ വര്‍ഷം സെപ്തംബര്‍ 26നാണ് കേസിനാസ്പദമായ സംഭവം നടന്നത്. സിത്രയില്‍ പ്രകടനം നടത്തിയ സംഘം പൊലീസിനെ നാടന്‍ ബോംബുകള്‍ ഉപയോഗിച്ച് ആക്രമിക്കുകയായിരുന്നു. ഇവര്‍ പോസ്റ്റ് ഓഫിസിലെ ഗാര്‍ഡിന്‍െറ മുറിയിലും നാടന്‍ ബോംബ് പൊട്ടിച്ചു. ഗാര്‍ഡിനെ കൊല്ലുക എന്ന ലക്ഷ്യത്തോടെയായിരുന്നു ഇതെന്ന് പൊലീസ് പറഞ്ഞു. ബോംബാക്രമണത്തില്‍ തീപിടിത്തം ഉണ്ടാകുകയും ഗാര്‍ഡ് മണികുമാര്‍ (32) എന്ന നേപ്പാള്‍ സ്വദേശിക്ക് പരിക്കേല്‍ക്കുകയും ചെയ്തു. 
വധശ്രമം, നിയമവിരുദ്ധമായി പ്രകടനം നടത്തല്‍, ബോംബ് കൈവശം വെക്കല്‍ എന്നീ കുറ്റങ്ങള്‍ പ്രതികള്‍ക്കുമേല്‍ ചുമത്തി. കേസില്‍ ഏഴു പ്രതികളാണ് പൊലിസ് കസ്റ്റഡിയില്‍ ഉള്ളത്. ശേഷിക്കുന്നവര്‍ ഒളിവിലാണ്.
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:baharain court
Next Story