മാധ്യമസ്വാതന്ത്ര്യം സംരക്ഷിക്കണമെന്ന് വി.എസ്
text_fieldsതിരുവനന്തപുരം: മാധ്യമ പ്രവർത്തകർക്ക് നിർഭയമായി കോടതി നടപടികൾ റിേപ്പാർട്ട് െചയ്യാനുള്ള സാഹചര്യം ഒരുക്കണമെന്നാവശ്യപ്പെട്ട് വി.എസ് അച്യുതാനന്ദൻ സുപ്രീംകോടതി ചീഫ് ജസ്റ്റിസിന് കത്തയച്ചു. കഴിഞ്ഞ പത്ത് ദിവസത്തിലേറെയായി ഹൈേകാടതിയിലുണ്ടായ ചില അനിഷ്ട സംഭവങ്ങളുടെ പേരിൽ ഹൈകോടതിയിലും സംസ്ഥാനത്തെ ഇതര കോടതികളിലും മാധ്യമ പ്രവർത്തകർക്ക് കടന്ന് െചല്ലാനോ വാർത്തകൾ റിപ്പോർട്ട് ചെയ്യാനോ കഴിയുന്നില്ല. ഒരു പറ്റം അഭിഭാഷകരും പൊലീസും ചേർന്ന് സ്വതന്ത്രമായ മാധ്യമപ്രവർത്തനം തടയുകവഴി ജനങ്ങളുടെ അറിയാനുള്ള അവകാശം നിഷേധിക്കുകയാണ്. ഇപ്പോൾ ഹൈകോടതി തന്നെ മീഡിയാ റൂം അടച്ചിട്ട് മാധ്യമ പ്രവർത്തകരെ കോടതി പരിസരത്ത് നിന്ന് ഒഴിവാക്കിയിരിക്കുകയാണ് തുറന്ന കോടതി എന്ന ഭരണഘടനാപരമായ സങ്കൽപത്തിനുതന്നെ വിരുദ്ധമാണ് ഇൗ നടപടിയെന്നും അതുകൊണ്ട് ഇക്കര്യത്തിൽ അടിയന്തര ഇടപെടൽ നടത്തണമെന്നുമാണ് വി.എസ് കത്തിൽ ആവശ്യപ്പെട്ടിരിക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.