സിറ്റി ഫ്ലവർ ശാഖകളിലെ ‘റമദാൻ സൂഖി’ന്റെ ഉദ്ഘാടനം റിയാദ് ബത്ഹയിലെ ഹൈപ്പർമാർക്കറ്റിൽ ഗായകനും സംഗീത സംവിധായകനുമായ നിഖിൽ പ്രഭ ഉദ്ഘാടനം ചെയ്തപ്പോൾ
റിയാദ്: പുണ്യമാസത്തെ വരവേൽക്കാനുള്ള തയാറെടുപ്പുകൾക്കായി പ്രമുഖ റീട്ടെയിൽ വിതരണ ശൃംഖലയായ സിറ്റി ഫ്ലവർ ‘റമദാൻ സൂഖ്’ പ്രവർത്തനം ആരംഭിച്ചു. റമദാനിലെ പ്രധാന ഇടമാണ് റമദാൻ സൂഖുകൾ. അറബ് നാഗരികത വളർന്നതും വികസിച്ചതും സൂഖുകൾ അഥവാ അറബ് പൈതൃക ചന്തകളിലാണ്. ഒത്തുചേരലിന്റെ ഉത്സവമേളമാണ് സൂഖുകൾ. പൗരാണിക അറേബ്യൻ മാതൃകയിൽ സിറ്റി ഫ്ലവർ പുനരാവിഷ്കരിക്കുകയാണെന്ന് മാനേജ്മെൻറ് വക്താക്കൾ പറഞ്ഞു.
ഫെബ്രുവരി 19ന് ആരംഭിച്ച റമദാൻ സൂഖ് മാർച്ച് 17വരെ നീണ്ടുനിൽക്കും. ‘സൂഖ്-25’ എന്ന പേരിൽ വിപുലമായ വിപണനോത്സവമാണ് ഒരുക്കിയിട്ടൂളളത്. അറബ് നാഗരികതയുടെ പെരുമ വിളംബരം ചെയ്യുന്ന റമദാൻ, ഈദ് എന്നിവയെ വരവേൽക്കാൻ ഏറ്റവും കുറഞ്ഞ വിലയാണ് സിറ്റി ഫ്ലവർ സൂഖിെൻറ പ്രധാന ആകർഷണം. സൂഖിൽ വിപുലമായ ശ്രേണിയിലുളള ഉൽപന്നങ്ങളാണ് ഒരുക്കിയിട്ടൂളളത്. പ്രത്യേകിച്ച് റമദാനിൽ ഒഴിച്ചുകൂടാനാവാത്ത ഉൽപന്നങ്ങൾ ഉപഭോക്താക്കൾക്ക് വേഗം തെരഞ്ഞെടുക്കാൻ അവസരം ലഭിക്കും. ഇതിനായി റിയാദിലെ ബത്ഹ, സകാക്ക, ഹാഇൽ, ജുബൈൽ എന്നിവിടങ്ങളിലെ ഹൈപ്പർമാർക്കറ്റുകളിലും മറ്റു ഔട്ട്‌ ലെറ്റുകളിലും പ്രത്യേക റമദാൻ തമ്പുകൾ സജ്ജീകരിച്ചിട്ടുണ്ട്.
250-ൽപരം സാധനങ്ങൾ സിറ്റി ഫ്ലവറിെൻറ എല്ലാ ശാഖയിലും പ്രത്യേകം ഒരുക്കിയ റമദാൻ തമ്പുകളിൽ ഒരുക്കിയിട്ടുണ്ട്. ഈത്തപ്പഴം, തേൻ, ഓട്ട്സ്, ഫ്രൂട്ട്സ് തുടങ്ങി റമദാൻവിഭവങ്ങൾ തയാറാക്കാനുള്ള എല്ലാ ആവശ്യവസ്തുക്കളും ഇവിടെ ലഭ്യമാണ്. മാത്രമല്ല പുതുമ മാറാത്ത പഴങ്ങൾ, പച്ചക്കറികൾ, നാട്ടിൽ ലഭിക്കുന്ന എല്ലാ പലചരക്കുസാധനങ്ങളും ഒറ്റശ്രേണിയിൽ ലഭിക്കും.
‘റമദാൻ സൂഖിന്’ പുറമേ, പലചരക്ക് സാധനങ്ങൾ, ശീതീകരിച്ച ഭക്ഷണങ്ങൾ, ഫ്രഷ് ഫുഡ്, ഹോട്ട് ഫുഡ് ആൻഡ് ബേക്കറി, ക്ലീനിങ് ആൻഡ് ആക്സസറികൾ, വീട്ടുപകരണങ്ങൾ, അലങ്കാരങ്ങൾ, വസ്ത്രങ്ങൾ എന്നിവയുൾപ്പെടെ നിരവധി ഉൽപ്പന്നങ്ങൾക്ക് സിറ്റി ഫ്ലവറിൽ പ്രത്യേക ഓഫറുകളും കിഴിവുകളും ഉണ്ടാകുമെന്ന് മാനേജ്മെൻറ് വക്താക്കൾ പറഞ്ഞു. ബത്ഹ ഹൈപ്പർമാർക്കറ്റിൽ ബുധനാഴ്ച റമദാൻ സൂഖിെൻറ ഉദ്ഘാടന ചടങ്ങ് നടന്നു.
ജൂനിയർ എ.ആർ. റഹ്മാൻ എന്ന പേരിൽ അറിയപ്പെടുന്ന ഗായകനും സംഗീത സംവിധായകനുമായ നിഖിൽ പ്രഭ കേക്ക് മുറിച്ച് ഉദ്ഘാടനം നിർവഹിച്ചു. ഗായിക പ്രിയ ബൈജു, സിറ്റി ഫ്ലവർ മാർക്കറ്റിങ് മാനേജർ നിബിൻ ലാൽ, ഡെപ്യൂട്ടി മാർക്കറ്റിങ് മാനേജർ എ.കെ. നൗഷാദ്, സ്റ്റോർ മാനേജർമാരായ അനസ് കൊടുവള്ളി, ഷാഫി കണ്ണൂർ, ഇബ്രാഹിം മുക്കണ്ണി, സാമൂഹികപ്രവർത്തകരായ റാഷിദ്‌ ദയ, റാഫി കൊയിലാണ്ടി, മാധ്യമ പ്രവർത്തകർ എന്നിവർ പങ്കെടുത്തു. സിറ്റി ഫ്ലവർ ജുബൈൽ, ഹാഇൽ, സക്കാക്ക, ദമ്മാം, യാംബു, ഹഫർ അൽ ബാതിൻ, ഖോബാർ, ബുറൈദ തുടങ്ങി വിവിധ ഔട്ട്‌ലെറ്റുകളിലും റമദാൻ സൂഖ് ഉദ്ഘാടന ചടങ്ങുകൾ നടന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.