കേന്ദ്ര ആണവോർജ കോർപറേഷൻ വിവിധ തസ്തികകളിൽ നിയമനത്തിന് അപേക്ഷ ക്ഷണിച്ചു. ഏപ്രിൽ ഒന്ന് വൈകീട്ട് നാലുവരെ ഓൺലൈനിൽ അപേക്ഷിക്കാം. കർണാടകത്തിലെ കൈഗ പ്ലാന്റ് സൈറ്റിലേക്കാണ് നിയമനം. തസ്തികകൾ:
1. സയന്റിഫിക് അസിസ്റ്റന്റ്- ബി, ഒഴിവുകൾ 45 (കമ്പ്യൂട്ടർ സയൻസ്, സിവിൽ, ഇലക്ട്രോണിക്സ്, ഇൻസ്ട്രുമെന്റേഷൻ, ഇലക്ട്രിക്കൽ, മെക്കാനിക്കൽ), യോഗ്യത- ബന്ധപ്പെട്ട വിഷയത്തിൽ ത്രിവത്സര എൻജിനീയറിങ് ഡിപ്ലോമ.
2. സ്റ്റൈപൻഡറി ട്രെയിനി/സയന്റിഫിക് അസിസ്റ്റന്റ് : ഒഴിവുകൾ -82. യോഗ്യത-ബി.എസ് സി(ഫിസിക്സ്/കെമിസ്ട്രി)/ബന്ധപ്പെട്ട ബ്രാഞ്ചിൽ ത്രിവത്സര എൻജിനീയറിങ് ഡിപ്ലോമ (60 ശതമാനം മാർക്കുണ്ടാകണം).
3. സ്റ്റൈപൻഡറി ട്രെയിനി /ടെക്നീഷ്യൻ: ഒഴിവുകൾ -226 (ട്രേഡുകൾ- ഓപറേറ്റർ, ഇലക്ട്രീഷ്യൻ, ഫിറ്റർ, ഇലക്ട്രോണിക്സ് മെക്കാനിക്, ഇൻസ്ട്രുമെന്റ് മെക്കാനിക്, മെഷീനിസ്റ്റ്, ടർണർ, ഡ്രാഫ്റ്റ്സ്മാൻ (സിവിൽ/മെക്കാനിക്കൽ). യോഗ്യത- എസ്.എസ്.എൽ.സി/തത്തുല്യം (ശാസ്ത്ര വിഷയങ്ങൾക്കും ഗണിതത്തിനും 50 ശതമാനം മാർക്കുണ്ടാകണം) + ബന്ധപ്പെട്ട ട്രേഡിൽ രണ്ടു വർഷത്തെ ഐ.ടി.ഐ സർട്ടിഫിക്കറ്റ് (ഒരുവർഷത്തെ ഐ.ടി.ഐ ട്രേഡ് സർട്ടിഫിക്കറ്റുള്ളവർക്ക് ഒരുവർഷത്തെ പ്രവൃത്തി പരിചയമുള്ളപക്ഷം അപേക്ഷിക്കാം).
സ്റ്റൈപൻഡറി ട്രെയിനി/ടെക്നീഷ്യൻ-ഓപറേറ്റർ തസ്തികയിലേക് ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ പ്ലസ് ടു/തത്തുല്യ പരീക്ഷ മൊത്തം 50 ശതമാനം മാർക്കിൽ കുറയാതെ വിജയിച്ചവർക്ക് അപേക്ഷിക്കാം. പ്രായപരിധി 18-24 വയസ്സ്.
മറ്റു തസ്തികകൾ: അസിസ്റ്റന്റ് ഗ്രേഡ്-1, നഴ്സ്- ഗ്രേഡ് എ-1, ടെക്നീഷ്യൻ (എക്സ്റേ ടെക്നീഷ്യൻ)-1. യോഗ്യത മാനദണ്ഡങ്ങൾ, അപേക്ഷ സമർപ്പണത്തിനുള്ള നിർദേശങ്ങൾ, സെലക്ഷൻ നടപടികൾ, സംവരണം, ശമ്പളം അടക്കം വിശദ വിവരങ്ങൾ www.npcilcareers.co.inൽനിന്ന് ലഭിക്കും. സംവരണ വിഭാഗങ്ങളിൽപെടുന്നവർക്ക് നിയമാനുസൃത വയസ്സിളവുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.