കാലിക്കറ്റ് സര്‍വകലാശാലയില്‍ എം.എ ഇംഗ്ലീഷ് പ്രോഗ്രാമിന് ഏകജാലകം മുഖേന അപേക്ഷിച്ച, ബിരുദ തലത്തില്‍ ഇംഗ്ലീഷ് മെയിന്‍/കോര്‍ വിഷയമായി പഠിച്ചിട്ടില്ലാത്തവര്‍ക്കുള്ള പ്രവേശന പരീക്ഷ ആഗസ്റ്റ് ഒമ്പതിന് രാവിലെ 10.30 മുതല്‍ ഉച്ച ഒന്നു വരെ സര്‍വകലാശാല കാമ്പസിലെ കോമേഴ്സ് ആൻഡ് മാനേജ്മെന്റ് സ്റ്റഡീസ് പഠനവകുപ്പില്‍ നടക്കും. കണ്‍ഫര്‍മേഷന്‍ നല്‍കിയവര്‍ക്കുള്ള ഹാള്‍ടിക്കറ്റ് പ്രവേശന വിഭാഗം വെബ്സൈറ്റില്‍ ലഭ്യമാണ് https://admission.uoc.ac.in/ .
ആഗസ്റ്റ് ആറ് മുതല്‍ ഒമ്പത് വരെ തിരൂര്‍ ടി.എം.ജി കോളജില്‍ നടത്താനിരുന്ന വിദൂര വിദ്യാഭ്യാസ വിഭാഗം എം.എ. അറബിക് ( CBCSS - SDE ) ഏപ്രില്‍ 2024 പ്രാക്ടിക്കല്‍ പരീക്ഷയും ( ADVANCED TRANSLATION AND SIMULTANEOUS INTERPRETATION ) വൈവയും മാറ്റിവെച്ചു. പുതുക്കിയ സമയക്രമം പിന്നീടറിയിക്കും.
ജൂലൈ 24ന് ഫലം പ്രസിദ്ധീകരിച്ച രണ്ടാംവര്‍ഷ അഫ്‌ദലുല്‍ ഉലമ പ്രിലിമിനറി (2013 മുതല്‍ 2015 വരെ പ്രവേശനം) സെപ്റ്റംബര്‍ 2022 ഒറ്റത്തവണ റഗുലര്‍ സപ്ലിമെന്ററി പരീക്ഷയുടെ മാര്‍ക്ക് ലിസ്റ്റ് പരീക്ഷാര്‍ഥികള്‍ക്ക് ഹാള്‍ടിക്കറ്റുമായി നേരിട്ട് വന്ന് പരീക്ഷഭവനിലെ ഇ.ഒ.ടി. സെക്ഷനില്‍നിന്ന് കൈപ്പറ്റാം. ഫോണ്‍ : 0494 2407457.
എം.ബി.എ ഫുള്‍ ടൈം ആൻഡ് പാര്‍ട്ട് ടൈം, എം.ബി.എ. ഹെൽത്ത് കെയര്‍ മാനേജ്മെന്റ്, എം.ബി.എ. ഇന്റര്‍നാഷനല്‍ ഫിനാന്‍സ് (CUCSS 2017 & 2018 പ്രവേശനം മാത്രം) നാലാം സെമസ്റ്റര്‍ സെപ്റ്റംബര്‍ 2023 ഒറ്റത്തവണ റഗുലര്‍ സപ്ലിമെന്ററി പരീക്ഷ ആഗസ്റ്റ് 21നും രണ്ടാം സെമസ്റ്റര്‍ പരീക്ഷ 22നും തുടങ്ങും. കേന്ദ്രം: ടാഗോര്‍ നികേതന്‍, കാലിക്കറ്റ് സര്‍വകലാശാല കാമ്പസ്.
സര്‍വകലാശാല പഠന വകുപ്പുകളിലെ ഒന്നു മുതല്‍ അഞ്ചു വരെ സെമസ്റ്റര്‍ ഇന്റഗ്രേറ്റഡ് പി.ജി. വിദ്യാര്‍ഥികളില്‍ എന്‍.എസ്.എസ് ഗ്രേസ് മാര്‍ക്കിന് അര്‍ഹരായവര്‍ പഠനവകുപ്പ് മേധാവി മുഖേന അപേക്ഷ പരീക്ഷഭവന്‍ പി.ജി. ബ്രാഞ്ചില്‍ സമര്‍പ്പിക്കണം. അവസാന തീയതി ആഗസ്റ്റ് 16.
നാലാം സെമസ്റ്റര്‍ എം.എസ്.സി ബയോടെക്നോളജി (2022 പ്രവേശനം) നാഷനല്‍ സ്ട്രീം ജൂണ്‍ 2024 പരീക്ഷ ഫലം പ്രസിദ്ധീകരിച്ചു.
കോഴിക്കോട് പേരാമ്പ്ര ചാലിക്കരയിലെ കാലിക്കറ്റ് സര്‍വകലാശാല റീജനല്‍ സെന്ററില്‍ ബി.സി.എ/ബി.എസ്.ഡബ്ല്യൂ/എം.സി.എ/എം.എസ്.ഡബ്ല്യൂ പ്രോഗ്രാമുകളില് സീറ്റൊഴിവുണ്ട്. പ്രവേശന വെയിറ്റിങ് ലിസ്റ്റില്‍ ഉള്‍പ്പെട്ടവര്‍ ആഗസ്റ്റ് ആറ് (എം.സി.എ/ ബി.സി.എ), ഏഴ് (എം.എസ്.ഡബ്ല്യൂ/ബി.എസ്.ഡബ്ല്യൂ) തീയതികളില്‍ സര്‍ട്ടിഫിക്കറ്റുകള്‍ സഹിതം രാവിലെ 11ന്സെന്ററില്‍ ഹാജരാകണം. വിവരങ്ങള്‍ക്ക് 0496 2991119, 9961039127 (എം.സി.എ), 8594039556 (എം.എസ്.ഡബ്ല്യൂ).
തൃശൂര്‍ തളിക്കുളത്തെ കാലിക്കറ്റ് സര്‍വകലാശാല സെന്റര്‍ ഫോര്‍ കമ്പ്യൂട്ടര്‍ സയന്‍സ് ആൻഡ് ഇന്‍ഫര്‍മേഷന്‍ സെന്ററില്‍ എം.സി.എ ജനറല്‍/സംവരണ സീറ്റുകളില്‍ ഒഴിവുണ്ട്. പ്രവേശന വെയിറ്റിങ് ലിസ്റ്റിലുള്‍പ്പെട്ടവര്‍ ആറിന് സര്‍ട്ടിഫിക്കറ്റുകള്‍ സഹിതം രാവിലെ 10ന് സെന്ററില്‍ ഹാജരാകണം. വിവരങ്ങള്‍ക്ക് 0487 2607112, 9400749401, 8547044182.
തൃശൂര്‍ പുതുക്കാട്ടുള്ള കാലിക്കറ്റ് സര്‍വകലാശാല സെന്റര്‍ ഫോര്‍ കമ്പ്യൂട്ടര്‍ സയന്‍സ് ആൻഡ് ഇന്‍ഫര്‍മേഷന്‍ സെന്ററില്‍ എം.സി.എ/ബി.എസ് സി (ഐ.ടി) പ്രോഗ്രാമുകളില് സീറ്റൊഴിവുണ്ട്. ആഗസ്റ്റ് എട്ടിന് സര്‍ട്ടിഫിക്കറ്റുകള്‍ സഹിതം രാവിലെ 11ന് സെന്ററില്‍ ഹാജരാകണം. വിവരങ്ങള്‍ക്ക് 04802751888, 9995814411, 9048584865, 9446762845.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.