അക്കാദമിക് -പരീക്ഷ കലണ്ടര്‍ പുറത്തിറക്കി
എല്ലാ പ്രോഗ്രാമുകളെയും ഉള്‍പ്പെടുത്തി കാലിക്കറ്റ് സര്‍വകലാശാല അക്കാദമിക് -പരീക്ഷ കലണ്ടര്‍ പ്രസിദ്ധീകരിച്ചു. മുഴുവന്‍ പ്രോഗ്രാമുകളുടെയും പഠനം ആരംഭിക്കുന്നതും അവസാനിക്കുന്നതും, പരീക്ഷ രജിസ്ട്രേഷന്‍, കോളജുകള്‍ എ.പി.സി, ഇന്റേണല്‍ മാര്‍ക്ക് എന്നിവ അപ്‌ലോഡ് ചെയ്യേണ്ടത്, ഫലപ്രഖ്യാപനം തുടങ്ങിയ എല്ലാ വിവരങ്ങളും കലണ്ടറിലുണ്ട്. ഈ അധ്യയന വര്‍ഷം പുതിയ കലണ്ടറനുസരിച്ചാകും പഠനവും പരീക്ഷയും. വൈസ് ചാന്‍സലര്‍ ഡോ. എം.കെ. ജയരാജ് പ്രകാശനം നിർവഹിച്ചു.
ബിരുദദാന ചടങ്ങിന് ജൂൺ അഞ്ചുവരെ അപേക്ഷിക്കാം
കാലിക്കറ്റ് സർവകലാശാല അഫിലിയേറ്റഡ് കോളജുകൾ / വിദൂര വിദ്യാഭ്യാസ വിഭാഗം / പ്രൈവറ്റ് രജിസ്‌ട്രേഷൻ വഴി 2021- 2022 അക്കാദമിക വർഷം വിവിധ യു.ജി (സി.ബി.സി.എസ്.എസ്-യു.ജി) കോഴ്‌സുകളിൽ പ്രവേശനം നേടുകയും 2024ൽ കോഴ്സ് വിജയകരമായി പൂർത്തീകരിച്ചതുമായ വിദ്യാർഥികൾക്കുള്ള ബിരുദദാന ചടങ്ങിൽ പങ്കെടുക്കാനുള്ള ഓൺലൈൻ രജിസ്‌ട്രേഷൻ ജൂൺ അഞ്ചുവരെ നീട്ടി. കൂടുതൽ വിവരങ്ങൾ വെബ്‌സൈറ്റിൽ. ഫോൺ: 0494 2407239 / 0494 2407200 / 0494 2407269.
പ്രത്യേക പരീക്ഷ
നിലമ്പൂർ അമൽ കോളജ് ഓഫ് അഡ്വാൻസ്ഡ് സ്റ്റഡീസിലെ വിദ്യാർഥികൾക്കായുള്ള അഞ്ചാം സെമസ്റ്റർ ബി.ടി.എച്ച്.എം (സി.ബി.സി.എസ്.എസ്-യു.ജി 2021 പ്രവേശനം മാത്രം) നവംബർ 2023 റെഗുലർ പ്രത്യേക പരീക്ഷ ജൂൺ ഏഴിന് തുടങ്ങും. വിശദ സമയക്രമം വെബ്‌സൈറ്റിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.