സോളാര്‍ എനര്‍ജിയെക്കുറിച്ച് ഗവേഷണം നടത്തുന്നവര്‍ക്ക് പ്രോത്സാഹനം നല്‍കുന്നതിനായി കേന്ദ്ര സര്‍ക്കാര്‍ സയന്‍സ് ആന്‍ഡ് ടെക്നോളജി വകുപ്പും ഇന്തോ-യു.എസ് സയന്‍സ് ആന്‍ഡ് ടെക്നോളജി ഫോറവും ചേര്‍ന്ന് നടത്തുന്ന ഭാസ്കര അഡ്വാന്‍ഡ് സോളാര്‍ എനര്‍ജി ഫെലോഷിപ്പിന് അപേക്ഷിക്കാം.
അമേരിക്കയിലെ സ്ഥാപനങ്ങളില്‍ ഫെലോഷിപ്പോടെ പഠിക്കാന്‍ അവസരം ലഭിക്കും. ഏഴ് സ്റ്റുഡന്‍റ് ഇന്‍േറണ്‍ഷിപും ഏഴ് ഫെലോഷിപ്പുമാണ് നല്‍കുന്നത്.
യോഗ്യത: സ്റ്റുഡന്‍റ് ഇന്‍േറണ്‍ഷിപ് -പൊതുമേഖലയിലെ റിസര്‍ച് ആന്‍ഡ് ഡെവലപ്മെന്‍റ് ലബോറട്ടറി, ശാസ്ത്ര-സാങ്കേതിക സ്ഥാപനങ്ങള്‍ തുടങ്ങിയവയില്‍ ഗവേഷണം നടത്തുന്നവരായിരിക്കണം. സോളാര്‍ എനര്‍ജിയെ കുറിച്ചായിരിക്കണം ഗവേഷണം. പ്രായം 2015 ഡിസംബര്‍ 31 ന് 32 കവിയരുത്.
ഫെലോഷിപ് -സോളാര്‍ എന്‍ജിനീയറിങ്, ടെക്നോളജി, സയന്‍സ് വിഷയങ്ങളില്‍ പിഎച്ച്.ഡി ചെയ്യുന്നവര്‍ക്ക്.പ്രായം 2015 ഡിസംബര്‍ 31 ന് 40 കവിയരുത്. മാസംതോറും സ്റ്റൈപന്‍റ്, വിമാന യാത്രാനിരക്ക്, ഗവേഷണ സഹായം എന്നിവ ലഭിക്കും. മൂന്ന് മുതല്‍ 12 മാസം വരെയാണ് ഫെലോഷിപ് ലഭിക്കുക.
അപേക്ഷിക്കേണ്ട വിധം: www.iusstf.orgല്‍ ലഭിക്കുന്ന നിശ്ചിത മാതൃകയിലുള്ള അപേക്ഷാ ഫോറം പൂരിപ്പിച്ച് യു.എസ് സ്ഥാപനത്തില്‍നിന്നുള്ള അസെപ്റ്റന്‍സ് ലെറ്റര്‍, രണ്ട് റഫറിമാരുടെ റെക്കമെന്‍േറഷന്‍ ലെറ്റര്‍, നോ ഒബ്ഷക്ന്‍ സര്‍ട്ടിഫിക്കറ്റ് എന്നിവ jcerdc@indousstf.org വിലാസത്തിലേക്ക് മെയില്‍ ചെയ്യണം.
അവസാനതീയതി നവംമ്പര്‍ 15. വിശദവിവരങ്ങള്‍ക്ക് വെബ്സൈറ്റ് സന്ദര്‍ശിക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.