കല്യാശ്ശേരി: കല്യാശ്ശേരിയിൽ മയക്കുമരുന്നുമായി രണ്ടുപേർ അറസ്റ്റിൽ.
കണ്ണൂർ എക്സൈസ് സർക്കിൾ ഇൻസ്പെക്ടർ ഉനൈസ് അഹമ്മദിന്റെ നേതൃത്വത്തിൽ നടന്ന പരിശോധനയിൽ കല്യാശ്ശേരി സെൻട്രലിൽ വെച്ചാണ് 365 ഗ്രാം എം.ഡി.എം.എ പിടിച്ചെടുത്തത്.
കല്യാശ്ശേരി സെൻട്രലിലെ മുഹമ്മദ്‌ അസറുദ്ദീൻ, മുഹമ്മദ്‌ അസ്‌കർ എന്നിവരെ അറസ്റ്റുചെയ്ത് എൻ.ഡി.പി.എസ് കേസെടുത്തു. ജില്ലയിൽ എക്സൈസ് കണ്ടെടുത്ത എം.ഡി.എം.എ കേസുകളിൽ ഏറ്റവും വലിയ അളവിലുള്ള കേസാണിത്.
കെ.എൽ 66 ബി 3392 നമ്പർ മാരുതി വാഗൺ ആർ കാറിൽ കടത്തിക്കൊണ്ടുപോകവേയായിരുന്നു പിടികൂടിയത്. സർക്കിൾ ഓഫിസിലെ ഉത്തരമേഖല ജോ. എക്സൈസ് കമീഷണർ സ്‌ക്വാഡ് അംഗം ഗണേഷ് ബാബുവിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.