ബം​ഗ​ളൂ​രു വി​മാ​ന​ത്താ​വ​ള​ത്തി​ല്‍ 5.13 കി​ലോ സ്വ​ര്‍ണം പി​ടി​ച്ചു; മ​ല​യാ​ളി​ക​ള​ട​ക്കം പി​ടി​യി​ല്‍

ബം​ഗ​ളൂ​രു: ബം​ഗ​ളൂ​രു വി​മാ​ന​ത്താ​വ​ള​ത്തി​ല്‍ അ​ന​ധി​കൃ​ത​മാ​യി സ്വ​ർ​ണം ക​ട​ത്താ​ൻ ശ്ര​മി​ച്ച ഏ​ഴു​പേ​ർ പി​ടി​യി​ൽ. ഇ​വ​രി​ൽ നാ​ലു​പേ​ർ മ​ല​യാ​ളി​ക​ളാ​ണ്. ഇ​വ​രി​ൽ നി​ന്നാ​യി 5.13 കി​ലോ സ്വ​ര്‍ണം പി​ടി​ച്ചു. വ്യ​ത്യ​സ്ത കേ​സു​ക​ളി​ലാ​യാ​ണ് ന​ട​പ​ടി.

കു​വൈ​ത്ത്, ദു​ബൈ, ഷാ​ര്‍ജ, ബാ​ങ്കോ​ക് എ​ന്നി​വി​ട​ങ്ങ​ളി​ല്‍ നി​ന്നെ​ത്തി​യ യാ​ത്ര​ക്കാ​രി​ല്‍നി​ന്നാ​ണ് ഇ​ത്ര​യും സ്വ​ര്‍ണം പി​ടി​കൂ​ടി​യ​തെ​ന്ന് ക​സ്റ്റം​സ് അ​റി​യി​ച്ചു. പി​ടി​യി​ലാ​യ മ​ല​യാ​ളി​ക​ൾ കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ല്‍ നി​ന്നു​ള്ള​വ​രാ​ണ്.

ര​ണ്ടു ക​ര്‍ണാ​ട​ക സ്വ​ദേ​ശി​ക​ളും ഒ​രു ആ​ന്ധ്ര​പ്ര​ദേ​ശ് സ്വ​ദേ​ശി​യു​മാ​ണ് മ​റ്റു​ള്ള​വ​ര്‍. വി​വാ​ഹ സീ​സ​ണ്‍ തു​ട​ങ്ങി​യ​തോ​ടെ സ്വ​ർ​ണ​ക്ക​ട​ത്ത് മു​ന്നി​ൽ​ക്ക​ണ്ട് വി​മാ​ന​ത്താ​വ​ള​ത്തി​ല്‍ ക​സ്റ്റം​സ് പ​രി​ശോ​ധ​ന ക​ര്‍ശ​ന​മാ​ക്കി​യി​ട്ടു​ണ്ട്.

കു​വൈ​ത്ത്, ഷാ​ര്‍ജ, ദു​ബൈ എ​ന്നി​വി​ട​ങ്ങ​ളി​ല്‍ നി​ന്നെ​ത്തി​യ മ​ല​യാ​ളി​ക​ള്‍ ഉ​ള്‍പ്പെ​ടെ​യു​ള്ള അ​ഞ്ചു​പേ​ര്‍ ദ്ര​വ​രൂ​പ​ത്തി​ലാ​ക്കി ര​ഹ​സ്യ​ഭാ​ഗ​ത്ത് ഒ​ളി​പ്പി​ച്ച നി​ല​യി​ലാ​ണ് സ്വ​ര്‍ണം കൊ​ണ്ടു​വ​ന്ന​ത്. പെ​രു​മാ​റ്റ​ത്തി​ല്‍ സം​ശ​യം തോ​ന്നി​യ​തോ​ടെ​യാ​ണ് അ​ധി​കൃ​ത​ര്‍ വി​ശ​ദ​മാ​യി ചോ​ദ്യം ചെ​യ്ത​ത്. ഇ​തോ​ടെ ഒ​ളി​പ്പി​ച്ച സ്വ​ര്‍ണം ക​ണ്ടെ​ത്തി.

ബാ​ങ്കോ​ക്കി​ല്‍ നി​ന്നെ​ത്തി​യ ര​ണ്ടു യാ​ത്ര​ക്കാ​ര്‍ ബാ​ഗി​ന്റെ കൊ​ളു​ത്തി​ന്റെ രൂ​പ​ത്തി​ലും അ​ടി​വ​സ്ത്ര​ത്തി​ൽ ഒ​ളി​പ്പി​ച്ചു​മാ​ണ് സ്വ​ര്‍ണം ക​ട​ത്താ​ന്‍ ശ്ര​മി​ച്ച​ത്. കൂ​ടു​ത​ല്‍ അ​ന്വേ​ഷ​ണം ന​ട​ക്കു​ന്ന​തി​നാ​ല്‍ പി​ടി​യി​ലാ​യ​വ​രു​ടെ പേ​രു​വി​വ​ര​ങ്ങ​ള്‍ പു​റ​ത്തു​വി​ട്ടി​ല്ല.