ബോംബെറിഞ്ഞ് കൊലപ്പെടുത്താൻ ശ്രമം; രണ്ടുപേർ റിമാൻഡിൽ

ച​വ​റ: നാ​ട​ൻ ബോം​ബ് എ​റി​ഞ്ഞ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച് യു​വാ​വി​നെ​യും ബ​ന്ധു​വി​നെ​യും കൊ​ല​പ്പെ​ടുത്താ​ൻ ശ്ര​മി​ച്ച സം​ഭ​വ​ത്തി​ൽ ര​ണ്ടു​പേ​രെ ച​വ​റ കോ​ട​തി കോ​ട​തി റി​മാ​ൻ​ഡ്​​ചെ​യ്തു. തേ​വ​ല​ക്ക​ര പ​ടി​ഞ്ഞാ​റ്റേ​ക്ക​ര എ.​ജെ ഭ​വ​ന​ത്തി​ൽ അ​തു​ൽ (24), അ​രി​ന​ല്ലൂ​ർ കൊ​ല്ല​ച്ചേ​ഴ​ത്ത് കി​ഴ​ക്ക​തി​ൽ ശ്യാം ​ശ​ശി​ധ​ര​ൻ (21) എ​ന്നി​വ​രെ​യാ​ണ് റി​മാ​ൻ​ഡ് ചെ​യ്ത​ത്.

ക​ഴി​ഞ്ഞ​ദി​വ​സം വൈ​കീ​ട്ട് മൂ​ന്നോ​ടെ​യാ​ണ് അ​ക്ര​മി​സം​ഘം കോ​യി​വി​ള, പ​ട​പ്പ​നാ​ൽ, അ​രി​ന​ല്ലൂ​ർ ഭാ​ഗ​ങ്ങ​ളി​ൽ ഭീ​ക​രാ​ന്ത​രീ​ക്ഷം സൃ​ഷ്‌​ടി​ച്ച​ത്. ഇ​തി​നി​ടെ അ​ക്ര​മി സം​ഘം സ​ഞ്ച​രി​ച്ച ബൈ​ക്ക് കോ​യി​വി​ള ഭ​ര​ണി​ക്കാ​വ് ഷാ ​മ​ൻ​സി​ലി​ൽ ഷ​ഹ​ൻ​ഷ​യും ബ​ന്ധു​വും സ​ഞ്ച​രി​ച്ച ബൈ​ക്കി​ൽ ഇ​ടി​ക്കാ​ൻ ശ്ര​മി​ച്ചു.

ഇ​തോ​ടെ ഷ​ഹ​ൻ​ഷ ഇ​ത് ചോ​ദ്യം ചെ​യ്തു. തു​ട​ർ​ന്ന് അ​ക്ര​മി സം​ഘം തോ​ട്ട പോ​ലു​ള്ള സ്ഫോ​ട​ക വ​സ്തു ഇ​വ​രു​ടെ നേ​രെ എ​റി​ഞ്ഞ് കൊ​ല്ലാ​ൻ ശ്ര​മി​ക്കു​ക​യു​മാ​യി​രു​ന്നു. തെ​ക്കും​ഭാ​ഗം സി.​ഐ ശ്രീ​കു​മാ​ർ, എ​സ്.​ഐ സാ​യി​സേ​ന​ൻ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ അ​റ​സ്റ്റ് ചെ​യ്ത​ത്. ബാ​ഗി​ൽ​നി​ന്ന് നാ​ല് ബോം​ബു​ക​ൾ കൂ​ടി ക​ണ്ടെ​ടു​ത്തു.

സ്‌​റ്റേ​ഷ​നി​ലെ​ത്തി​ച്ച ബോം​ബു​ക​ൾ ബോം​ബ് സ്ക്വാ​ഡെ​ത്തി നി​ർ​വീ​ര്യ​മാ​ക്കി. ബോം​ബ്‌ നി​ര്‍മാ​ണ​ത്തി​ല്‍ പ​ങ്കാ​ളി​ക​ളാ​യ​വ​രെ കു​റി​ച്ച് അ​ന്വ​ഷ​ണം ന​ട​ത്തി വ​രി​ക​യാ​ണെ​ന്ന് പൊ​ലീ​സ് പ​റ​ഞ്ഞു.