വിനീഷ്
മഞ്ചേരി: മലപ്പുറം വള്ളിക്കാപ്പറ്റയിൽ ഒമ്പതുവയസ്സുകാരിയെ പീഡിപ്പിച്ച കേസിൽ ഒളിവിലായിരുന്ന യുവാവ് പോക്സോ സ്പെഷല് കോടതിയിൽ കീഴടങ്ങി. കുട്ടിയുടെ അമ്മയുടെ കാമുകനായ ചെർപ്പുളശേരി സ്വദേശി ചിറക്കിൽ വീട്ടിൽ വിനീഷാണ് (31) കീഴടങ്ങിയത്. 2019 ജനുവരി ഒന്നു മുതല് 2021 ജൂണ് 30 വരെയുള്ള കാലയളവില് ആനമങ്ങാടും വള്ളിക്കാപ്പറ്റയിലുമുള്ള വാടക വീടുകളില് വെച്ച് പല തവണ പീഡിപ്പിച്ചുവെന്നാണ് കേസ്. ഒക്ടോബര് 19ന് കുട്ടി മലപ്പുറം വനിത പൊലീസില് പരാതി നല്കുകയായിരുന്നു. പ്രതിക്ക് ഒത്താശ ചെയ്തു നല്കിയതിന് കുട്ടിയുടെ മാതാവായ 30കാരിയെ കഴിഞ്ഞ മാസം 20ന് പൊലീസ് അറസ്റ്റ് ചെയ്തിരുന്നു. ഇവര് റിമാൻഡിലാണ്.
പ്രതിയെ കെണ്ടത്താൻ ജില്ല ആൻറി നാർക്കോട്ടിക് സ്ക്വാഡും വനിത പൊലീസും തിരച്ചിൽ നടത്തിയിരുന്നു. കുന്നംകുളത്ത് ഒളിച്ചു താമസിക്കുന്നുണ്ടെന്ന വിവരം ലഭിച്ചതിനെ തുടർന്ന് പ്രതിയെ പിടികൂടാൻ ശ്രമിച്ചെങ്കിലും രക്ഷപ്പെട്ടിരുന്നു. തുടർന്ന് ഒളിച്ചു താമസിക്കാൻ സഹായിച്ച ആളെ പ്രത്യേക അന്വേഷണ സംഘം കസ്റ്റഡിയിൽ എടുത്തു. ഒളിച്ചു താമസിക്കാൻ സാധ്യതയുള്ള നിരവധി വീടുകളിൽ പൊലീസ് പരിശോധന നടത്തിയിരുന്നു. ഇതിനിടയിലാണ് വെള്ളിയാഴ്ച കോടതിയിൽ കീഴടങ്ങിയത്. പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.