ന്യൂഡൽഹി: സിഗ്നല്‍ തെറ്റിച്ചെത്തിയ കാർ പൊലീസുകാരെ ഇടിച്ച് 20 മീറ്ററോളം വലിച്ചിഴച്ചു. തെക്കുപടിഞ്ഞാറൻ ഡൽഹിയിലെ കിഷൻഗഡിൽ ശനിയാഴ്ചയാണ് സംഭവം. റെഡ് സിഗ്നൽ തെറ്റിച്ച് എത്തിയ വാഹനത്തെ തടഞ്ഞ പൊലീസുകാരെയാണ് ഇടിച്ചത്.
എ.എസ്.ഐ പ്രമോദ്, ഹെഡ് കോൺസ്റ്റബിൾ സൈലേഷ് ചൗഹാൻ എന്നിവർക്കാണ് പരിക്കേറ്റത്. പരിക്കേറ്റ ജീവനക്കാരെ ആശുപത്രിയിൽ എത്തിച്ചു. കാറിന്റെ ബോണറ്റിലേക്ക് വീണ പൊലിസുകാരെ 20 മിനിറ്റോളം വലിച്ചിഴക്കുന്ന വിഡിയോ ദൃശ്യങ്ങൾ പുറത്തുവന്നിട്ടുണ്ട്.
ഡ്രൈവർ അവരുടെ ഔദ്യോഗിക കൃത്യനിർവഹണം തടസ്സപ്പെടുത്തുകയും 20 മീറ്ററിലധികം വലിച്ചിഴച്ച് കൊല്ലാൻ ശ്രമിക്കുകയും ചെയ്തതായാണ് പ്രമോദിന്‍റെ മൊഴി. പ്രതിയെ പിടികൂടാൻ വിവിധ സംഘങ്ങൾ രൂപീകരിച്ചിട്ടുണ്ട്. വസന്ത് കുഞ്ചിലെ താമസക്കാരനായ ജയ് ഭഗവാന്‍റെ പേരിലാണ് വാഹനം രജിസ്റ്റർ ചെയ്തിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.