ചെക്ക്പോസ്റ്റുകളിൽ കാമറകളില്ല; വ്യാ​പ​ക​മാ​യി ലഹരിക്ക​ട​ത്ത്

ചെ​റു​വ​ത്തൂ​ർ: സം​സ്ഥാ​ന​ത്ത് എ​ക്സൈ​സ് ചെ​ക്ക്പോ​സ്റ്റു​ക​ളി​ൽ സി.​സി.​ടി.​വി കാ​മ​റ​ക​ളി​ല്ല. ഇ​തി​നെ തു​ട​ർ​ന്ന് അ​തി​ർ​ത്തി ക​ട​ന്നു​ള്ള ല​ഹ​രി​വ​സ്തു​ക്ക​ളു​ടെ ക​ട​ത്ത് വ്യാ​പ​ക​മാ​യി.

സം​സ്ഥാ​ന​ത്ത് ആ​കെ 36 ചെ​ക്ക്പോ​സ്റ്റു​ക​ൾ മാ​ത്ര​മാ​ണു​ള്ള​ത്. തി​രു​വ​ന​ന്ത​പു​രം ജി​ല്ല​യി​ൽ 13, കൊ​ല്ലം 2, ഇ​ടു​ക്കി 4, തൃ​ശൂ​ർ 1, പാ​ല​ക്കാ​ട് 9, മ​ല​പ്പു​റം 1, കോ​ഴി​ക്കോ​ട് 1, വ​യ​നാ​ട് 2, ക​ണ്ണൂ​ർ 2, കാ​സ​ർ​കോ​ട് 1 എ​ന്നി​ങ്ങ​നെ​യാ​ണ​വ. എ​ന്നാ​ൽ, ഇ​തി​ൽ ചി​ല​തി​ൽ മാ​ത്ര​മാ​ണ് സി.​സി.​ടി.​വി കാ​മ​റ​ക​ളു​ള്ള​ത്. ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന് എം.​ഡി.​എം.​എ, ക​ഞ്ചാ​വ് അ​ട​ക്ക​മു​ള്ള ല​ഹ​രി​വ​സ്തു​ക്ക​ളും മ​റ്റും അ​തി​ർ​ത്തി ക​ട​ന്ന് കേ​ര​ള​ത്തി​ലേ​ക്ക് വ​രു​ന്ന എ​ല്ലാ​യി​ട​ങ്ങ​ളി​ലും സി.​സി.​ടി.​വി കാ​മ​റ​ക​ൾ സ്ഥാ​പി​ച്ച് പ​രി​ശോ​ധ​ന ക​ർ​ശ​ന​മാ​ക്കേ​ണ്ട​ത് അ​നി​വാ​ര്യ​മാ​ണ്.

എ​ന്നി​ട്ടും ഒ​രി​ട​ത്തു​പോ​ലും സി.​സി.​ടി.​വി കാ​മ​റ​ക​ൾ സ്ഥാ​പി​ക്കാ​ൻ അ​ധി​കൃ​ത​ർ​ക്ക് സാ​ധി​ച്ചി​ട്ടി​ല്ല. പൊ​തു​പ്ര​വ​ർ​ത്ത​ക​ൻ എം.​വി. ശി​ൽ​പ​രാ​ജ് ന​ൽ​കി​യ വി​വ​രാ​വ​കാ​ശ​ത്തെ തു​ട​ർ​ന്നാ​ണ് കാ​മ​റ​ക​ൾ ഒ​ന്നു​പോ​ലും ഇ​ല്ലെ​ന്ന​കാ​ര്യം വ്യ​ക്ത​മാ​യ​ത്. എ​ല്ലാ സം​സ്ഥാ​ന അ​തി​ർ​ത്തി​ക​ളി​ലും എ​ക്സൈ​സ് ചെ​ക്ക്പോ​സ്റ്റു​ക​ൾ ഇ​ല്ലാ​ത്ത​ത് എ​ക്സൈ​സി​ന്റെ എ​ൻ​ഫോ​ഴ്സ്മെ​ന്റ് പ്ര​വ​ർ​ത്ത​ന​ത്തെ കാ​ര്യ​മാ​യി ബാ​ധി​ക്കു​ന്നു​ണ്ട്.

ല​ഹ​രി​ക്കു​റ്റ​ങ്ങ​ൾ ഇ​ല്ലാ​താ​ക്കാ​ൻ സ​ഹാ​യി​ക്കു​ന്ന​തി​ലേ​ക്കും അ​ടി​സ്ഥാ​ന​മാ​യി വേ​ണ്ടു​ന്ന​തു​മാ​യ സം​സ്ഥാ​ന​ത്തെ എ​ല്ലാ ചെ​ക്ക്പോ​സ്റ്റു​ക​ളി​ലും അ​ടി​യ​ന്ത​ര​മാ​യി നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്ക​ണ​മെ​ന്നും ബാ​ക്കി​യു​ള്ള സം​സ്ഥാ​ന അ​തി​ർ​ത്തി​ക​ളി​ൽ അ​ടി​യ​ന്ത​ര​മാ​യി ചെ​ക്ക്പോ​സ്റ്റു​ക​ൾ സ്ഥാ​പി​ക്കു​ന്ന​തി​ലേ​ക്കും അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ട് ശി​ൽ​പ​രാ​ജ് നി​വേ​ദ​നം വ​കു​പ്പ് മ​ന്ത്രി​ക്കും ക​മീ​ഷ​ണ​ർ​ക്കും സ​മ​ർ​പ്പി​ച്ചി​രി​ക്കു​ക​യാ​ണ്.