ചമ്പക്കരയിൽ വീട് കുത്തിത്തുറന്ന് മോഷണം

ച​മ്പ​ക്ക​ര: ചെ​റു​മാ​ക്ക​ൽ​പ്പ​ടി കോ​ഴി​മ​ണ്ണി​ൽ ജോ​ബി വ​ർ​ഗീ​സി​ന്‍റെ വീ​ട്​ കു​ത്തി​ത്തു​റ​ന്ന്​ മോ​ഷ​ണം. 50,000 രൂ​പ വി​ല​യു​ള്ള പു​തി​യ ലാ​പ്‌​ടോ​പ്പും സ്മാ​ർ​ട്ട് വാ​ച്ചും 12,000 രൂ​പ​യും ന​ഷ്ട​മാ​യി. മൂ​ന്നു​ദി​വ​സ​മാ​യി അ​മ്മ​യു​ടെ ചി​കി​ത്സ​യു​മാ​യി ബ​ന്ധ​പ്പെ​ട്ട് ജോ​ബി​യും കു​ടും​ബ​വും കോ​ട്ട​യ​ത്താ​യി​രു​ന്നു. വെ​ള്ളി​യാ​ഴ്ച രാ​വി​ലെ വീ​ടി​ന്‍റെ വാ​തി​ൽ തു​റ​ന്ന് കി​ട​ന്ന​ത് ശ്ര​ദ്ധ​യി​ൽ​പ്പെ​ട്ട അ​യ​ൽ​വാ​സി​ക​ളാ​ണ് വി​വ​രം അ​റി​യി​ച്ച​ത്.

മു​ൻ വാ​തി​ലി​ന്‍റെ പൂ​ട്ട് ത​ക​ർ​ത്തി​രു​ന്നു. മു​റി​ക​ളി​ലെ അ​ല​മാ​ര​ക​ൾ കു​ത്തി​ത്തു​റ​ന്ന് സാ​ധ​ന​ങ്ങ​ൾ വാ​രി​വ​ലി​ച്ചി​ട്ട നി​ല​യി​ലാ​യി​രു​ന്നു. മേ​ശ​യി​ലും അ​ല​മാ​ര​യി​ലും കു​ടു​ക്ക​യി​ലും സൂ​ക്ഷി​ച്ചി​രു​ന്ന പ​ണ​മാ​ണ് ന​ഷ്ട​പ്പെ​ട്ട​ത്. സ്വ​ർ​ണാ​ഭ​ര​ണ​ങ്ങ​ൾ മാ​റ്റി​വെ​ച്ചി​രു​ന്ന​തി​നാ​ൽ ന​ഷ്ട​പ്പെ​ട്ടി​ല്ല. സം​ഭ​വ​ത്തി​ൽ ക​റു​ക​ച്ചാ​ൽ പൊ​ലീ​സി​ൽ പ​രാ​തി ന​ൽ​കി. വി​ര​ല​ട​യാ​ള വി​ദ​ഗ്ധ​ര​ട​ക്കം സ്ഥ​ല​ത്തെ​ത്തി തെ​ളി​വെ​ടു​പ്പ് ന​ട​ത്തി.