വിഷ്ണു
അഗളി: അട്ടപ്പാടി കള്ളമലയിൽ അഗളി പൊലീസ് നടത്തിയ തിരച്ചിലിൽ വീട്ടിൽ സൂക്ഷിച്ച 50 ലിറ്റർ മദ്യവും 1.370 കിലോ ഗ്രാം കഞ്ചാവും തോക്കും കണ്ടെടുത്തു. കള്ളമല ഓന്തൻമല സ്വദേശി തലയാനിക്കൽ വീട്ടിൽ വിഷ്ണുവിന്റെ (31) വീട്ടിൽ നടത്തിയ പരിശോധനയിലാണ് കണ്ടെത്തിയത്. ഇയാൾക്കെതിരെ കേസെടുത്തു. പോണ്ടിച്ചേരി നിർമിത വിദേശമദ്യത്തിന്റെ 500 മില്ലിയുടെ 100 കുപ്പികളാണ് പിടികൂടിയത്. കൂടാതെ 9900 രൂപയും കണ്ടെടുത്തു. ഇയാൾ മദ്യവും കഞ്ചാവും കടത്താൻ ഉപയോഗിച്ച സ്കൂട്ടറും ഓട്ടോയും കസ്റ്റഡിയിൽ എടുത്തു.
പൊലീസിന് കിട്ടിയ രഹസ്യ വിവരത്തെ തുടർന്നായിരുന്നു തിരച്ചിൽ. 16 ലിറ്റർ മദ്യവുമായി ദോണിഗുണ്ട് സ്വദേശി തങ്കരാജിനെ അഗളി പൊലീസ് പിടികൂടിയിരുന്നു. അഗളി സി.ഐ എ.പി. അനീഷ്, എസ്.ഐ അബ്ദുൽ ഖയ്യൂം, എസ്.സി.പി.ഒ കുമാർ, സി.പി.ഒമാരായ ഹരിദാസ്, ശരത്, അനുമോൾ, ഹോം ഗാർഡ് ശോഭ, ഗൗരി എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.