നിരോധിത പുകയില ഉൽപന്നവുമായി പിടിയിലായ പ്രതി
ചടയമംഗലം: എം.സി റോഡിൽ നിലമേലിൽ നടത്തിയ വാഹനപരിശോധനയിൽ വാഹനത്തിൽ നിരോധിത പുകയില ഉൽപന്നം കടത്തിക്കൊണ്ടുവന്നയാൾ പിടിയിൽ. പൊന്നാനി സ്വദേശി മൻസൂർ (50) ആണ് നിരോധിത പുകയില ഉൽപന്നത്തിനൊപ്പം പിടിയിലായത്.
ചടയമംഗലം എക്സൈസ് റേഞ്ച് എക്സൈസ് ഇൻസ്പെക്ടർ രാജേഷിന് ലഭിച്ച രഹസ്യവിവരത്തിന്റ അടിസ്ഥാനത്തിൽ നടത്തിയ പരിശോധനയിലാണ് പിക്അപ്പിൽ കടത്തിക്കൊണ്ടുവന്ന പാൻമസാല പിടികൂടിയത്. 19 ചാക്കുകളിലായി അഞ്ചേകാൽ ലക്ഷം വില വരുന്ന 475 കിലോ പാൻമസാലയാണുണ്ടായിരുന്നത്.
എക്സൈസ് ഇൻസ്പെക്ടർ രാജേഷ്, ബിനീഷ്, സിവിൽ എക്സൈഡ് ഓഫിസർ സബീർ, ഷൈജു, ബിൻസാഗർ എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.