രാജേഷ്
വഴിക്കടവ്: തോട്ടത്തിൽ നിന്ന് സ്ഥിരമായി അടക്ക മോഷ്ടിക്കുന്നയാൾ വഴിക്കടവ് പൊലീസിന്റെ പിടിയിൽ. കാരക്കോട് കോലാർ വീട്ടിൽ രാജേഷിനെയാണ് (42) വഴിക്കടവ് പൊലീസ് ഇൻസ്പെക്ടർ മനോജ് പറയറ്റ അറസ്റ്റ് ചെയ്തത്. ഗ്രാമപ്രദേശങ്ങളിൽ അടക്ക മോഷണം പതിവായതോടെ നാട്ടുകാർ പരാതിപ്പെട്ടിരുന്നു. ഇതോടെ പ്രദേശത്തെ അടക്ക വ്യാപാരികളോട് അന്വേഷിച്ചതിൽ സംശയാസ്പദമായ രീതിയിൽ ഒരാൾ അടക്ക വിൽക്കുന്നതായി വിവരം ലഭിച്ചു.
കസ്റ്റഡിയിലെടുത്ത് ചോദ്യം ചെയ്തതിൽ പ്രതി കുറ്റം സമ്മതിക്കുകയായിരുന്നു. 21 കിലോ അടക്കയാണ് മോഷ്ടിച്ചത്. മോഷണമുതൽ കൊണ്ടുപോയ സ്കൂട്ടർ പൊലീസ് കസ്റ്റഡിയിലെത്തു. എസ്.ഐ ഒ.കെ. വേണു, എ.എസ്.ഐ കെ. മനോജ്, പൊലീസ് ഉദ‍്യോഗസ്ഥരായ റിയാസ് ചീനി, എസ്. പ്രശാന്ത് കുമാർ, ജോബിനി ജോസഫ് എന്നിവരാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.