അനന്തകൃഷ്ണൻ, അനിൽ ആന്റണി, മാഹിൻ, വർഗീസ് അഖിൽ
ആലപ്പുഴ: കലവൂരിൽ കടകളിൽ മോഷണം നടത്തിയ കേസിൽ നാലുപേർ അറസ്റ്റിൽ.
മാരാരിക്കുളം തെക്ക് പഞ്ചായത്ത് 22ാം വാർഡ് കലവൂര്‍ പൊഴിക്കടവിൽ അനന്തകൃഷ്ണൻ (19), കലവൂർ പുത്തൻപുരക്കൽ വീട്ടിൽ അനിൽ ആന്റണി (20), കലവൂര്‍ പുത്തൻപുരക്കൽ വീട്ടിൽ മാഹിൻ (19), കാട്ടൂർ പൂന്ത്രശ്ശേരി വീട്ടിൽ വർഗീസ് അഖിൽ (20) എന്നിവരെയാണ് മണ്ണഞ്ചേരി പൊലീസ് അറസ്റ്റ് ചെയ്തത്.
ഈമാസം 17ന് രാത്രി കലവൂർ റെയിൽവേ ക്രോസിന് സമീപത്തെ കടകളിലായിരുന്നു മോഷണം.
സ്റ്റേഷനറി കടയുടെയും റസ്റ്റാറന്‍റിന്‍റെയും പിറകുവശത്തെ വാതിലിന്റെ പൂട്ട് തകർത്താണ് അകത്തുകടന്നത്. സ്റ്റേഷനറി കടയിലെ അലമാരയിൽ സൂക്ഷിച്ച സിഗരറ്റ്, സോപ്പ്, നട്‌സ്, സെവന്‍ അപ്, ബോഡി സ്പ്രേ എന്നിവയും സി.സി ടി.വി കാമറയുടെ ഡി.വി.ആറും റസ്റ്റാറന്‍റിൽനിന്ന് നാണയങ്ങളും നോട്ടുകളുമാണ് കവർന്നത്.
പൊലീസ് നിരവധി സി.സി ടി.വി ദൃശ്യങ്ങൾ പരിശോധിച്ചും രാത്രി സംശയകരമായി സഞ്ചരിക്കുന്നവരെ നിരീക്ഷിച്ചുമാണ് മുഴുവൻ പ്രതികളെയും കുടുക്കിയത്. പ്രതികളെ കോടതിയില്‍ ഹാജരാക്കി ആലപ്പുഴ സബ് ജയിലിൽ റിമാൻഡ് ചെയ്തു.
മണ്ണഞ്ചേരി എസ്.ഐ ടി.ഡി. നെവിൻ, എ.എസ്.ഐ മഞ്ജുഷ, സിവില്‍ പൊലീസ് ഓഫിസർമാരായ വിഷ്ണു, ബാലകൃഷ്ണൻ, ഷൈജു എന്നിവർ അന്വേഷണത്തിന് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.