മുംബൈ: ഭർത്താവും സുഹൃത്തും ചേർന്ന് യുവതിയെ കൂട്ടബലാത്സംഗത്തിന് വിധേയമാക്കിയതായി പരാതി. സ്ത്രീയുടെ പരാതിയിൽ എഫ്.ഐ.ആർ രജിസ്റ്റർ ചെയ്ത പൊലീസ് ഇരുവരെയും അറസ്റ്റ് ചെയ്യുകയും ചെയ്തു. മുംബൈയിലാണ് സംഭവം.
വെള്ളിയാഴ്ച വൈകിട്ട് ജന്മദിനാഘോഷമുണ്ടെന്ന പേരിൽ യുവതിയെ ഭർത്താവ് കൂട്ടിക്കൊണ്ടുപോകുകയായിരുന്നു. രാത്രി എട്ടരയോടെ പ്രതിയും യുവതിയും സുഹൃത്തിന്‍റെ ഫ്ലാറ്റിെലത്തി. അവിടെവെച്ച് അവർ മദ്യപിക്കുകയും ശേഷം യുവതിയെ ബലാത്സംഗം ചെയ്യുകയുമായിരുന്നു. സംഭവം പുറത്തുപറഞ്ഞാൽ ഗുരുതര പ്രത്യാഘാതങ്ങൾ അനുഭവിക്കേണ്ടിവരുമെന്ന് ഭീഷണിപ്പെടുത്തുകയും ചെയ്തു.
രാത്രി 11ഓടെ യുവതിയും ഭർത്താവും തിരിച്ച് വീട്ടിലെത്തി. ഭീഷണി വകവെക്കാതെ യുവതി സംഭവം അടുത്ത ബന്ധുവിേനാട് വെളിപ്പെടുത്തി. അവർ മറ്റു ബന്ധുക്കളെ വിവരം അറിയിക്കുകയും ചെയ്തു.
തുടർന്ന്, ശനിയാഴ്ച രാവിലെ യുവതി ഭർത്താവിനും സുഹൃത്തിനുമെതിരെ പൊലീസ് സ്റ്റേഷനിലെത്തി പരാതി നൽകുകയായിരുന്നു. യുവതിയെ മെഡിക്കൽ പരിശോധനക്ക് വിധേയമാക്കി. കൂട്ടബലാത്സംഗം, ക്രിമിനൽ ഗൂഡാലോചന എന്നീ കുറ്റങ്ങൾ ചുമത്തിയാണ് ഭർത്താവിനെയും സുഹൃത്തിനെയും അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ മൂന്നുദിവസത്തെ പൊലീസ് കസ്റ്റഡിയിൽ വിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.