ഏബിൾ ജോസ്, ഷഹിൻ രാജൻ
കണ്ണൂർ: അതിമാരക മയക്കുമരുന്നുകളുമായി യുവാക്കൾ പൊലീസ് പിടിയിലായി. കണ്ണൂർ മൂന്നാംപീടികയിലെ ഷഹിൻ രാജൻ (25), ഏബിൾ ജോസ് (28) എന്നിവരെയാണ് കണ്ണൂർ ടൗൺ പൊലീസ് പിടികൂടിയത്. ഇവരിൽനിന്ന് 20 എൽ.എസ്.ഡി സ്റ്റാമ്പ്, 26.1 ഗ്രാം ഹഷീഷ് ഓയിൽ, കഞ്ചാവ്, നൈട്രേ സെഫാം ഗുളികകൾ എന്നിവ കണ്ടെത്തി.
കണ്ണൂർ മാർക്കറ്റിൽ സ്റ്റേഷനറി കട ഉടമയായ ഏബിൾ കഞ്ചാവ് ഉപയോഗത്തിലൂടെ വിൽപന തുടങ്ങിയിട്ട് നാലു വർഷത്തോളമായതായി പൊലീസ് പറഞ്ഞു. ഈയടുത്ത കാലത്താണ് ന്യൂജെൻ മയക്കുമരുന്നിനത്തിലേക്ക് കടന്നത്. ഷഹിൻ രാജനാണ് ഇയാൾക്കായി മയക്കുമരുന്ന് ആവശ്യക്കാർക്ക് എത്തിച്ചു കൊടുത്തിരുന്നതെന്നും പൊലീസ് പറഞ്ഞു. ആഴ്ചകളായി ഇവരുടെ നീക്കങ്ങൾ ജില്ല ആന്റി നാർകോട്ടിക് സ്പെഷ്യൽ ആക്ഷൻ ഫോഴ്സ് ടീമംഗങ്ങൾ നിരീക്ഷിച്ചുവരുകയായിരുന്നു.
കണ്ണൂർ ടൗൺ എസ്.ഐ സി.എച്ച്. നസീബ്, ഡാൻ സാഫ് ടീം അംഗങ്ങളായ എസ്.ഐ റാഫി അഹമ്മദ്, മഹിജൻ, സീനിയർ സിവിൽ പൊലീസ് ഓഫിസർമാരായ സി. അജിത്ത്, സി.പി. മഹേഷ്, പി.സി. മിഥുൻ, രാഹുൽ എന്നിവർ ചേർന്നാണ് മയക്കുമരുന്ന് സംഘത്തെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.