ആകാശ്
വർക്കല: എം.ഡി.എം.എയുമായി യുവാവിനെ അയിരൂർ പൊലീസ് അറസ്റ്റ് ചെയ്തു. ചെമ്മരുതി തച്ചോട് പട്ടരുമുക്ക് എസ്.എസ് ലാൻഡിൽ ആകാശ് (25) ആണ് അറസ്റ്റിലായത്. പ്രദേശത്ത് ലഹരിവസ്തുക്കൾ എത്തിക്കുന്ന കണ്ണികളുമായി ഇയാൾക്ക് ബന്ധമുണ്ടെന്ന രഹസ്യവിവരത്തെ തുടർന്ന് ഡാൻസാഫ് ടീം നിരീക്ഷിച്ചുവരികയായിരുന്നു. ഇതിനിടെയാണ് കഴിഞ്ഞദിവസം ബൈക്കിൽ സഞ്ചരിക്കുകയായിരുന്ന ആകാശിനെ പൊലീസ് റോഡിൽ തടഞ്ഞുനിർത്തി പരിശോധിച്ചത്. ഇയാളിൽനിന്ന് വിൽപനക്ക് സൂക്ഷിച്ചിരുന്ന 2.1 ഗ്രാം എം.ഡി.എം.എ കണ്ടെടുത്തു.
2022ൽ ആറ്റിങ്ങൽ പൊലീസ് രജിസ്റ്റർ ചെയ്ത പോക്സോ കേസിൽ പ്രതിയായ ആകാശ്, ജാമ്യത്തിലിറങ്ങി ലഹരിവിൽപന നടത്തിവരികയായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.