പ്രതി മുഹമ്മദ് ഷിബിലി
മഞ്ചേരി: എം.ഡി.എം.എയുമായി യുവാവ് മഞ്ചേരി പൊലീസിന്റെ പിടിയിൽ. മംഗലശ്ശേരി കരിമ്പന വീട്ടിൽ മുഹമ്മദ് ഷിബിലിയാണ് (25) പിടിയിലായത്. വ്യാഴാഴ്ച രാത്രി ഒമ്പതോടെ ഇന്ത്യൻ മാളിന് സമീപത്തുനിന്നാണ് ഇയാൾ പിടിയിലായത്.
ഇയാളിൽനിന്ന് വിപണിയിൽ അരലക്ഷത്തോളം രൂപ വിലവരുന്ന 12.62 ഗ്രാം എം.ഡി.എം.എ കണ്ടെടുത്തു. മഞ്ചേരി എസ്.ഐ കെ.ആർ. ജസ്റ്റിന് ലഭിച്ച രഹസ്യവിവരത്തിന്‍റെ അടിസ്ഥാനത്തിലാണ് പരിശോധന നടത്തിയത്.പൊലീസ് വാഹനം വരുന്നത് കണ്ട് രക്ഷപ്പെടാൻ ശ്രമിച്ച പ്രതിയെ വാഹനം കുറുകെയിട്ടാണ് തടഞ്ഞുവെച്ചത്. കാറിൽനിന്ന് മയക്കുമരുന്ന് വലിക്കാൻ ഉപയോഗിക്കുന്ന സാധനങ്ങളും കണ്ടെത്തി. ലഹരികടത്തിന് ഉപയോഗിക്കുന്ന കാറും കസ്റ്റഡിയിലെടുത്തു.
പൊലീസ് ഇൻസ്പെക്ടർ സുനിൽ പുളിക്കലിന്‍റെ നേതൃത്വത്തിൽ എ.എസ്.ഐ അബ്ദുൽ വാസിദ്, സിവിൽ പൊലീസ് ഓഫിസർമാരായ നിഷാദ്, അനന്തു, അസറുദ്ദീൻ, ഡാൻസാഫ് സ്ക്വാഡ് അംഗങ്ങളായ ഐ.കെ. ദിനേശ്, കെ. ജസീർ, പി. സലീം എന്നിവരും അന്വേഷണ സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.