ആ​തു​രാ​ല​യ​മാ​യ ആ​രാ​ധ​നാ​ല​യം

എ​ട​ക്ക​ര: തോ​രാ​തെ പെ​യ്ത ദു​രി​ത​പ്പെ​യ്ത്തി​ന്‍റെ ഉ​ള്ളു​ല​ച്ച ഓ​ർ​മ​ക​ൾ​ക്കൊ​പ്പം മ​ന​സ്സി​ലെ​ത്തു​ന്ന മാ​ന​വി​ക​ത​യു​ടെ പേ​രാ​ണ് പോ​ത്തു​ക​ല്‍ ജം​ഇ​യ്യ​ത്തു​ല്‍ മു​ജാ​ഹി​ദീ​ന്‍ മ​ഹ​ല്ല് ക​മ്മി​റ്റി. 2019 ആ​ഗ​സ്റ്റ് എ​ട്ടി​ന് രാ​ത്രി നാ​ടി​നെ ന​ടു​ക്കി​യ ക​വ​ള​പ്പാ​റ ദു​ര​ന്ത​ത്തി​ന്റെ തു​ട​ര്‍ദി​വ​സ​ങ്ങ​ളി​ലാ​യി​രു​ന്നു ഈ ​മ​ഹ​ല്ല് ക​മ്മി​റ്റി ഐ​ക്യ​വും സ​ഹ​ജീ​വി സ്‌​നേ​ഹ​വും എ​ല്ലാ​ത്തി​നും മു​ക​ളി​ലാ​ണെ​ന്ന് ലോ​ക​രെ മു​ഴു​വ​ന്‍ പ്ര​വൃ​ത്തി​കൊ​ണ്ട് അ​റി​യി​ച്ച​ത്. നി​ല​ക്കാ​തെ ആ​ർ​ത്തി​ര​മ്പി പെ​യ്ത മ​ഴ​യി​ൽ ക​വ​ള​പ്പാ​റ മു​ത്ത​പ്പ​ന്‍കു​ന്നി​ടി​ഞ്ഞ് മ​ണ്ണി​ലാ​ണ്ട​വ​രു​ടെ അ​ന്ത്യ​ക​ര്‍മ​ങ്ങ​ള്‍ക്ക് ഇ​ട​മൊ​രു​ക്കി​യ​ത് ഈ ​പ്രാ​ര്‍ഥ​നാ​ല​യ​ത്തി​ലാ​യി​രു​ന്നു.

അ​ക്കാ​ലം വ​രെ കേ​ര​ളം ക​ണ്ട ഏ​റ്റ​വും വ​ലി​യ ദു​ര​ന്ത​ത്തി​ല്‍ മ​നു​ഷ്യ​മ​നഃ​സാ​ക്ഷി മ​ര​വി​ച്ചു​നി​ല്‍ക്കു​മ്പോ​ഴാ​ണ് ജം​ഇ​യ്യ​ത്തു​ല്‍ മു​ജാ​ഹി​ദീ​ന്‍ മ​ഹ​ല്ല് ക​മ്മി​റ്റി​യു​ടെ ഇ​ട​പെ​ട​ലു​ണ്ടാ​യ​ത്. പോ​ത്തു​ക​ല്‍ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ അ​സൗ​ക​ര്യം മൂ​ലം ദു​ര​ന്ത​ത്തി​ല​ക​പ്പെ​ട്ട​വ​രു​ടെ മൃ​ത​ദേ​ഹ​ങ്ങ​ള്‍ മ​ഞ്ചേ​രി മെ​ഡി​ക്ക​ല്‍ കോ​ള​ജി​ലോ, നി​ല​മ്പൂ​ര്‍ ജി​ല്ല ആ​ശു​പ​ത്രി​യി​ലോ കൊ​ണ്ടു​പോ​യി പോ​സ്റ്റ്‌​മോ​ര്‍ട്ടം ചെ​യ്യാ​നു​ള്ള ബു​ദ്ധി​മു​ട്ട് മ​ന​സ്സി​ലാ​ക്കി​യ അ​ധി​കൃ​ത​ര്‍ പ​റ്റി​യ ഇ​ടം അ​ന്വേ​ഷി​ച്ചാ​ണ് പ​ള്ളി ഭാ​ര​വാ​ഹി​ക​ളു​മാ​യി സം​സാ​രി​ച്ച​ത്.

പ​ള്ളി തു​റ​ന്നു​കൊ​ടു​ക്കാ​ന്‍ ജം​ഇ​യ്യ​ത്തു​ല്‍ മു​ജാ​ഹി​ദീ​ന്‍ മ​ഹ​ല്ല് ക​മ്മി​റ്റി​ക്കാ​ര്‍ക്ക് ര​ണ്ടാ​മ​തൊ​ന്ന് ആ​ലോ​ചി​ക്കേ​ണ്ടി​വ​ന്നി​ല്ല. ബ​ലി​പെ​രു​ന്നാ​ളി​ലെ​യും വെ​ള്ളി​യാ​ഴ്ച​യി​ലെ​യും ന​മ​സ്‌​കാ​ര​ങ്ങ​ള്‍ പോ​ത്തു​ക​ല്‍ ബ​സ് സ്റ്റാ​ന്‍ഡി​ലേ​ക്ക് മാ​റ്റി. പി​ന്നെ ന​മ​സ്‌​കാ​ര ഹാ​ള്‍ ആ​ശു​പ​ത്രി മു​റി​യും മ​ദ്‌​റ​സ​യി​ലെ മേ​ശ​ക​ള്‍ കൂ​ട്ടി​വെ​ച്ച് പോ​സ്റ്റ്‌​മോ​ര്‍ട്ടം ടേ​ബി​ളു​മാ​ക്കി. മ​യ്യി​ത്ത് പ​രി​പാ​ല​ന ക​ര്‍മ​ങ്ങ​ള്‍ക്ക് പ​ള്ളി​യി​ല്‍ ഉ​പ​യോ​ഗി​ച്ചി​രു​ന്ന സ്‌​ട്രെ​ച്ച​ര്‍ ത​ന്നെ​യാ​ണ് മു​ഴു​വ​ന്‍ പോ​സ്റ്റ്‌​മോ​ര്‍ട്ട​ത്തി​നും ഉ​പ​യോ​ഗി​ച്ച​ത്. അ​ങ്ങ​നെ ജാ​തി​മ​ത ഭേ​ദ​മ​ന്യേ മു​ഴു​വ​ന്‍ മൃ​ത​ദേ​ഹ​ങ്ങ​ളു​ടെ​യും പോ​സ്റ്റ്‌​മോ​ര്‍ട്ടം ന​ട​പ​ടി പ​ള്ളി​യി​ല്‍ നി​ന്ന് പൂ​ര്‍ത്തി​യാ​ക്കി.

പ​ട​ച്ച​വ​ന്റെ ഭ​വ​നം എ​ല്ലാ പ​ട​പ്പു​ക​ള്‍ക്കു​മാ​യി മാ​റ്റി​യ​തി​ന് പി​ന്നി​ല്‍ മ​നു​ഷ്യ​ത്വ​ത്തി​ലൂ​ന്നി​യ ചി​ന്ത​യും ദൈ​വി​ക​പ്രീ​തി​യും മാ​ത്ര​മാ​ണെ​ന്ന് പ്ര​സി​ഡ​ൻ​റ് എം. ​സി​ദ്ദീ​ഖ്, സെ​ക്ര​ട്ട​റി ക​വ​ണ​ഞ്ചേ​രി അ​ബ്ദു​ല്‍ ക​രീം എ​ന്നി​വ​ർ പ​റ​യു​ന്നു. പ​ള്ളി ക​മ്മി​റ്റി​യെ​ടു​ത്ത തീ​രു​മാ​നം ജ​ന​ങ്ങ​ള്‍ക്കി​ട​യി​ലും രാ​ഷ്ട്രീ​യ-​സാ​മൂ​ഹി​ക നേ​താ​ക്ക​ള്‍ക്കി​ട​യി​ലും പ്ര​ശം​സ​ക്കി​ട​യാ​ക്കി​യി​രു​ന്നു. വ​ഖ​ഫ് ബോ​ര്‍ഡി​ന്റെ പാ​രി​തോ​ഷി​ക​മാ​യി പോ​ത്തു​ക​ല്ലി​ൽ സം​ഘ​ടി​പ്പി​ച്ച ച​ട​ങ്ങി​ൽ ഒ​രു ല​ക്ഷം രൂ​പ അ​ന്ന​ത്തെ ചെ​യ​ർ​മാ​ൻ റ​ഷീ​ദ​ലി ത​ങ്ങ​ള്‍ പ​ള്ളി ക​മ്മി​റ്റി​ക്ക് കൈ​മാ​റി​യി​രു​ന്നു.