ചോ​ര​ക​ണ്ടാ​ൽ ചി​രി​ക്കും കാ​ലം

ഏ​ത് ഉ​ത്സ​വം അ​പ​ഗ്ര​ഥി​ച്ചാ​ലും അ​തി​ലൊ​ക്കെ സ​വി​ശേഷ​വും സാ​മാ​ന്യ​വു​മാ​യ ര​ണ്ട് പ്ര​ബ​ല​ത​ല​ങ്ങ​ൾ കാ​ണാ​ൻ ക​ഴി​യും. ഒ​രു ഉ​ത്സ​വ​ത്തി​ന്റെ​യും സ​വി​ശേ​ഷ​മാ​യ ആ​ചാ​രാ​നു​ഷ്ഠാ​ന ആ​ഘോ​ഷ​ങ്ങ​ളി​ൽ സ്വ​യം താ​ൽ​പ​ര്യ​മി​ല്ലാ​ത്ത ഒ​രാ​ളും പ​ങ്കെ​ടു​ക്കേ​ണ്ട കാ​ര്യ​മി​ല്ല

സ​ത്യ​ത്തി​ൽ ഉ​ത്സ​വ​ങ്ങ​ൾ ഏ​തും സ്​​നേ​ഹം ഊ​റ്റി​യെ​ടു​ക്കാ​നും ബ​ന്ധ​ങ്ങ​ൾ ഊ​ട്ടി​യു​റ​പ്പി​ക്കാ​നു​മു​ള്ള ഒ​ന്നാ​ന്ത​രം അ​വ​സ​ര​മാ​ണ് ഒ​രു​ക്കു​ന്ന​ത്. സ​മൂ​ഹ​ങ്ങ​ൾ​ക്കും വ്യ​ക്തി​ക​ൾ​ക്കു​മി​ട​യി​ൽ ഉ​ണ്ടാ​വാ​ൻ സാ​ധ്യ​ത​യു​ള്ള കാ​ലു​ഷ്യ​ങ്ങ​ളെ ഇ​ല്ലാ​താ​ക്കു​ക എ​ന്ന​തു​കൂ​ടി​യാ​ണ്, മ​റ്റ് പ​ല​തി​നു​മൊ​പ്പം ഉ​ത്സ​വ​ങ്ങ​ളി​ൽ സം​ഭ​വി​ച്ചു​കൊ​ണ്ടി​രി​ക്കു​ന്ന​ത്. ഏ​ത് മ​ത​ക്കാ​രു​ടെ ഉ​ത്സ​വ​മാ​യാ​ലും അ​ത​വ​രു​ടേ​താ​യി​രി​ക്കു​മ്പോ​ൾ​ത​ന്നെ, അ​തി​ന് എ​ല്ലാ​വ​രു​ടേ​തു​മാ​യി മാ​റാ​ൻ പ​രി​മി​തി​ക​ളോ​ടെ ക​ഴി​ഞ്ഞി​രു​ന്നു. സ​ർ​വ അ​ൽ​പ​ത്ത​ര​ങ്ങ​ൾ​ക്കും മു​ക​ളി​ൽ കാ​ലം എ​ടു​ത്തു​വെ​ച്ചൊ​രാ​ത്മാ​ഭി​മാ​ന​ത്തി​ന്റെ അ​ട​യാ​ള​മാ​യി വ്യ​ത്യ​സ്​​ത സ​മൂ​ഹ​ങ്ങ​ളി​ല​ത് ഊ​ർ​ജം ഉ​ൽ​പാ​ദി​പ്പി​ച്ചി​രു​ന്നു.

ക​ണ്ടും കേ​ട്ടും ക​ളി​ച്ചും ര​സി​ച്ചും ഒ​രു​മ​യു​ടെ സ​ന്ദേ​ശം, അ​തി​ൽ​നി​ന്ന്, പ്ര​ത്യേ​കി​ച്ച് ആ​രു​ടെ​യും ആ​ഹ്വാ​ന​മൊ​ന്നു​മി​ല്ലാ​തെ​ത​ന്നെ, ഒ​ഴു​കി പ​ര​ന്നി​രു​ന്നു. ഭ​ക്ഷ​ണ​പ്പെ​രു​മ​യി​ലും വ​സ്​​ത്ര​പു​തു​മ​യി​ലും ഒ​ഴി​വ് ഒ​രു​മ​ക​ളി​ലും അ​ങ്ങ​െ​ന​യ​ങ്ങ​നെ​യൊ​ക്കെ​യു​ള്ള ഒ​ത്തു​ചേ​ര​ലു​ക​ളി​ലും അ​തെ​പ്പോ​ഴും ഒ​ന്നി​ച്ചു​ചേ​രാ​ൻ ശ്ര​മി​ച്ചി​രു​ന്നു. വി​വി​ധ സ​മൂ​ഹ​ങ്ങ​ൾ​ക്കി​ട​യി​ൽ പ​ല​കാ​ര​ണ​ങ്ങ​ളാ​ൽ വ​ന്നു​ചേ​ർ​ന്ന സു​ഷി​ര​ങ്ങ​ൾ അ​ട​ക്കാ​നാ​ണ്, മു​ൻ​വി​ധി​ക​ളെ മ​റി​ക​ട​ക്കാ​നാ​ണ്, അ​ക​ല​ങ്ങ​ൾ കു​റ​ക്കാ​നാ​ണ്, പ്ര​സാ​ദ​ങ്ങ​ൾ ഒ​രു​ക്കാ​നാ​ണ​ത് ആ​വും​വി​ധം ശ്ര​മി​ച്ചി​രു​ന്ന​ത്. അ​പ​രി​ചി​ത​ർ ത​മ്മി​ൽ​പോ​ലും ആ​ശം​സ​ക​ൾ കൈ​മാ​റാ​ൻ ക​ഴി​യു​ന്ന ഒ​ര​ന്ത​രീ​ക്ഷ​ത്തി​ൽ വെ​ച്ചാ​ണ് പ​ല​പ്പോ​ഴും അ​ത് പൂ​ത്ത് സു​ഗ​ന്ധം പ​ര​ത്തി​യ​ത്.

‘മ​യി​ൽ​പ്പീ​ലി ക​ണ്ണു​കൊ​ണ്ട്/​ഖ​ൽ​ബി​ന്റെ ക​ട​ലാ​സി​ൽ/​മാ​പ്പി​ള​പാ​ട്ട് കു​റി​ച്ച​വ​നേ/​പാ​ട്ടി​ന്റെ ചി​റ​കി​ന്മേ​ൽ/ പ​രി​മ​ളം പൂ​ശു​ന്ന/​പ​നി​നീ​ർ​പ്പൂ​വി​ന്റെ പേ​രെ​ന്ത്’ എ​ന്ന് പ്രി​യ​ക​വി വ​യ​ലാ​ർ മു​മ്പ് ചോ​ദി​ച്ചു. ആ ​പ​നി​നീ​ർ​പ്പൂ​വി​ന് ന​ൽ​കാ​വു​ന്ന പേ​രു​ക​ളി​ൽ പ്ര​ധാ​ന​പ്പെ​ട്ട ഒ​ന്ന് സ​ർ​വ​വും സു​ഗ​ന്ധ​പൂ​രി​ത​മാ​ക്കു​ന്ന ഉ​ത്സ​വ​ങ്ങ​ൾ എ​ന്നു​ത​ന്നെ​യാ​ണ്. എ​വി​ടെ​യൊ​ക്കെ​യോ മ​റ​ന്നു​വെ​ച്ച​തോ, മ​റി​ഞ്ഞു​വീ​ണ​തോ ആ​യ സ്​​മ​ര​ണ​ക​ളു​ടെ​യും സ്വ​പ്ന​ങ്ങ​ളു​ടെ​യും മ​ഹാ​പ്ര​വാ​ഹ​ങ്ങ​ളി​ൽ വെ​ച്ചാ​ണ്, അ​ല്ലാ​തെ ക​മ്പോ​ളം പ്ര​ഖ്യാ​പി​ക്കു​ന്ന വെ​റും വി​ല​കു​റ​വു​ക​ളി​ൽ വെ​ച്ച​ല്ല ഉ​ത്സ​വ​ങ്ങ​ൾ​ക്ക് മൂ​ല്യ​മു​ണ്ടാ​വു​ന്ന​ത്. എ​ത്ര വി​പ​ണി​കേ​ന്ദ്രി​ത​മാ​വു​മ്പോ​ഴും, സം​സ്​​കാ​ര​ങ്ങ​ളു​ടെ േസ്രാ​ത​സ്സു​ക​ളി​ൽ​നി​ന്നും അ​തി​നൊ​രി​ക്ക​ലും പൂ​ർ​ണ​മാ​യും വി​ട്ടു​പോ​വാ​ൻ ക​ഴി​യി​ല്ല. ഏ​ത് കൊ​ല​ക്ക​യ​റി​നെ​യും എ​ത്ര കി​ത​ച്ചു​കൊ​ണ്ടാ​യാ​ലും അ​തൊ​രു ഊ​ഞ്ഞാ​ലാ​ക്കും. അ​ത് സ്വ​ന്തം ശ​ബ്ദ​കോ​ശ​ത്തി​ൽ വാ​ക്കു​ക​ളെ​ക്കാ​ളേ​റെ സ്വ​പ്ന​ങ്ങ​ൾ സൂ​ക്ഷി​ക്കും.

ഉ​ത്സ​വ​ങ്ങ​ൾ ഇ​ന്നോ​ളം മ​നു​ഷ്യ​രാ​ശി സ​മാ​ഹ​രി​ച്ച ആ​ദ​ർ​ശ ആ​ന​ന്ദ മൂ​ല്യ​ങ്ങ​ളു​ടെ സ​മാ​ഹാ​ര​മാ​യാ​ണ് സൂ​ക്ഷ്മാ​ർ​ഥ​ത്തി​ൽ സു​ന്ദ​ര​മാ​വേ​ണ്ട​ത്. കൊ​ല​വി​ളി​ക​ൾ​ക്കും നി​ല​വി​ളി​ക​ൾ​ക്കും ന​ടു​വി​ൽ​നി​ന്ന​ല്ല, ജീ​വി​ത​രു​ചി​പ്പെ​രു​മ​യി​ൽ​നി​ന്നാ​ണ​ത് സ്വ​ന്തം പ്ര​കാ​ശം സൃ​ഷ്​​ടി​ച്ചെ​ടു​ക്കേ​ണ്ട​ത്. എ​ത്ര​കാ​ലം ക​ഴി​ഞ്ഞാ​ലും അ​തി​ലും ന​ല്ലൊ​രു കാ​ല​ത്തെ​ക്കു​റി​ച്ചു​ള്ള കി​നാ​വു​ക​ൾ​ക്ക് വീ​ണ്ടും വീ​ണ്ടും ആ​രം​ഭി​ച്ചു​കൊ​ണ്ടി​രി​ക്കാ​ന​ല്ലാ​തെ ഒ​രി​ക്ക​ലും അ​വ​സാ​നി​ക്കാ​നാ​വു​ക​യി​ല്ലെ​ന്ന കാ​ൽ​പ​നി​ക​മെ​ന്ന് തോ​ന്നാ​വു​ന്ന യാ​ഥാ​ർ​ഥ്യ​ബോ​ധ്യം​കൊ​ണ്ടാ​ണ് ഇ​ന്ന് നാം ​ഓ​രോ ഉ​ത്സ​വ​ത്തെ​യും വ​ര​വേ​ൽ​ക്കേ​ണ്ട​ത്.

ഒ​രു​ത്സ​വ​ത്തി​ന്റെ നെ​റ്റി​യി​ൽ​നി​ന്നും കൊ​മ്പ് മു​ള​ച്ചാ​ൽ, അ​തി​ന്റെ വാ​യി​ൽ​നി​ന്നും തീ ​ആ​ളി​യാ​ൽ, അ​തി​ന് സ​ർ​വം പൊ​ളി​ക്കു​ന്ന ഒ​രു ബു​ൾ​ഡോ​സ​റി​ന്റെ ആ​കൃ​തി പ​തു​ക്കെ കൈ​വ​ന്നാ​ൽ, പി​ന്നെ ഒ​രു ചാ​യം​കൊ​ണ്ടും അ​തി​നെ വി​ശു​ദ്ധ​പ്പെ​ടു​ത്താ​നോ, എ​ന്തി​ന് ഒ​രു ഉ​ത്സ​വ വ​കു​പ്പി​ൽ​പ്പെ​ടു​ത്താ​നോ ക​ഴി​യി​ല്ല.

ലോ​ക​ത്തി​ലെ ഏ​ത് ഉ​ത്സ​വം അ​പ​ഗ്ര​ഥി​ച്ചാ​ലും അ​തി​ലൊ​ക്കെ സ​വി​ശേ​ഷ​വും സാ​മാ​ന്യ​വു​മാ​യ ര​ണ്ട് പ്ര​ബ​ല​ത​ല​ങ്ങ​ൾ കാ​ണാ​ൻ ക​ഴി​യും. ഒ​രു ഉ​ത്സ​വ​ത്തി​ന്റെ​യും സ​വി​ശേ​ഷ​മാ​യ ആ​ചാ​രാ​നു​ഷ്ഠാ​ന ആ​ഘോ​ഷ​ങ്ങ​ളി​ൽ സ്വ​യം താ​ൽ​പ​ര്യ​മി​ല്ലാ​ത്ത ഒ​രാ​ളും പ​ങ്കെ​ടു​ക്കേ​ണ്ട കാ​ര്യ​മി​ല്ല. നി​ർ​ബ​ന്ധി​ച്ചോ പ്ര​ലോ​ഭി​പ്പി​ച്ചോ പ്ര​കോ​പി​പ്പി​ച്ചോ അ​തി​ൽ താ​ൽ​പ​ര്യ​മി​ല്ലാ​ത്ത​വ​രെ പ​ങ്കെ​ടു​പ്പി​ക്കാ​ൻ ശ്ര​മി​ച്ചാ​ൽ, അ​തോ​ടെ ഉ​ത്സ​വ​ത്തി​ന്റെ മൂ​ല്യ​ങ്ങ​ൾ ത​ക​രും.

എ​ന്നാ​ൽ, ഉ​ത്സ​വ​ത്തി​ന്റെ സാ​മാ​ന്യ​ത​ല​ത്തെ പ്ര​തി​നി​ധാ​നം ചെ​യ്യു​ന്ന വാ​ദ്യ​മേ​ള​ങ്ങ​ൾ, പാ​ട്ടു​ക​ൾ, അ​ധി​ക​ഭ​ക്ഷ​ണം, ഒ​ത്തു​ചേ​ര​ൽ എ​ന്നി​വ ആ​രും പ്ര​ത്യേ​കി​ച്ച് ഒ​രു സ​മ്മ​ർ​ദ​വും ചെ​ലു​ത്താ​തെ​ത​ന്നെ എ​ല്ലാ​വ​ർ​ക്കും സ​ന്തോ​ഷം ന​ൽ​കും. ബാ​ൻ​ഡ് വാ​ദ്യം കേ​ൾ​ക്കു​മ്പോ​ൾ ഉ​ള്ളി​ലെ​ങ്കി​ലും അ​റി​യാ​തെ​യൊ​ന്ന് തു​ള്ളി​പ്പോ​വാ​ത്ത​വ​രാ​യി ആ​രു​മു​ണ്ടാ​വി​ല്ല. വാ​യു​വി​ൽ സു​ഗ​ന്ധം പ​ട​രു​മ്പോ​ൾ, ശ​ബ്ദ​ത്തി​ൽ സം​ഗീ​തം ക​ല​രു​മ്പോ​ൾ ചു​റ്റി​ലും ചി​രി​ക​ളു​ടെ പ്ര​കാ​ശം പ​ര​ക്കു​മ്പോ​ൾ അ​തൊ​ക്കെ​യും മ​റ്റോ​രു​ടേ​താ​ണെ​ന്ന് പ​റ​ഞ്ഞ് മാ​റി​നി​ൽ​ക്കാ​ൻ ആ​ർ​ക്കാ​ണ് ക​ഴി​യു​ക?

എ​ല്ലാ ഉ​ത്സ​വ​ങ്ങ​ളും എ​ല്ലാ​വ​രു​ടേ​തു​മാ​യി തീ​രു​ന്ന​ത് ജ​നാ​യ​ത്ത സ​മൃ​ദ്ധി​യു​ടെ പ​ശ്ചാ​ത്ത​ല​ത്തി​ലാ​ണ്. ത​ങ്ങ​ൾ​ക്ക് ഹി​ത​മാ​യ​ത് മാ​ത്രം സ്വീ​ക​രി​ക്കാ​നും അ​ല്ലാ​ത്ത​തൊ​ക്കെ​യും തി​ര​സ്​​ക​രി​ക്കാ​നും ക​ഴി​യും​വി​ധം സാ​മൂ​ഹി​കാ​ന്ത​രീ​ക്ഷം വി​സ്​​തൃ​ത​മാ​വു​മ്പോ​ഴാ​ണ്, സ​ർ​വ ഉ​ത്സ​വ​ങ്ങ​ളും സ​ർ​വ​രു​ടേ​തു​മാ​യി മാ​റു​ന്ന​ത്.

അ​തി​നു​പ​ക​രം ഞ​ങ്ങ​ൾ പ​റ​യും നി​ങ്ങ​ൾ കേ​ൾ​ക്ക​ണം എ​ന്ന് പ​തു​ക്കെ​യും, ഞ​ങ്ങ​ൾ ക​ൽ​പി​ക്കും നി​ങ്ങ​ൾ അ​നു​സ​രി​ക്ക​ണം എ​ന്ന് ഉ​റ​ക്കെ​യും, ഞ​ങ്ങ​ൾ ആ​ജ്ഞാ​പി​ക്കു​ന്നി​ട​ത്ത് നി​ങ്ങ​ൾ മു​ട്ടു​കു​ത്ത​ണം, അ​ല്ലെ​ങ്കി​ൽ ഇ​വി​ടം​വി​ട്ട് പോ​ക​ണ​മെ​ന്ന് അ​ല​റി​വി​ളി​ക്കു​ക​യും ചെ​യ്യു​മ്പോ​ൾ, പൊ​തു​വി​ൽ എ​ല്ലാ​വ​ർ​ക്കും താ​ൽ​പ​ര്യ​മു​ണ്ടെ​ങ്കി​ൽ​മാ​ത്രം പ​ങ്കു​വെ​ക്കാ​വു​ന്ന ഉ​ത്സ​വ​ത്തി​ന്റെ സാ​മാ​ന്യ​ത​ലം മാ​ത്ര​മ​ല്ല, അ​തി​ന്റെ മ​താ​ത്മ​ക​മോ മ​തേ​ത​ര​മോ മ​ത​ര​ഹി​ത​മോ ആ​യ സ​വി​ശേ​ഷ​ത​ല​വും ത​ക​രും.

എ​ന്തു​കൊ​ണ്ടെ​ന്നാ​ൽ മ​റ്റു​ള്ള​വ​രു​ടെ ചോ​ര​കൊ​ണ്ട് ഒ​രു​ത്സ​വ​വും ആ​ഘോ​ഷി​ക്കാ​ൻ ഒ​രൊ​റ്റ മ​ത​വും ഇ​തു​വ​രെ ആ​ഹ്വാ​നം ചെ​യ്തി​ട്ടി​ല്ല. ത​ല​തി​രി​ഞ്ഞ ഏ​തെ​ങ്കി​ലും പു​രോ​ഹി​ത​ൻ അ​ങ്ങ​നെ ആ​ഹ്വാ​നം ചെ​യ്താ​ൽ, അ​തി​നെ സ്വീ​ക​രി​ക്കാ​ൻ കാ​ത്തി​രി​ക്കു​ന്ന​ത്, സ്ലാ​ബി​ട്ട് മൂ​ടാ​ത്ത അ​ഴു​ക്കു​ചാ​ലു​ക​ളാ​യി​രി​ക്കും! അ​തി​നും വേ​ണ​മ​ല്ലോ തീ​റ്റ!

പി​റ​ന്ന​മ​ണ്ണി​ൽ പൗ​ര​ത്വം നി​ഷേ​ധി​ക്കാ​തെ​ത​ന്നെ മ​നു​ഷ്യ​രെ അ​ഭ​യാ​ർ​ഥി​ക​ളാ​ക്കി മാ​റ്റാ​ൻ പ​ല​വ​ഴി​ക​ളു​മു​ണ്ട്. ഇ​പ്പോ​ൾ ഇ​ന്ത്യ​യി​ൽ രാ​മ​ന​വ​മി മു​ത​ൽ ഹോ​ളി​വ​രെ​യു​ള്ള ആ​ഘോ​ഷ​ങ്ങ​ളി​ൽ അ​പൂ​ർ​വം ചി​ല ഒ​റ്റ​പ്പെ​ട്ട സ്​​ഥ​ല​ങ്ങ​ളി​ലെ​ങ്കി​ലും അ​താ​ണ് സം​ഭ​വി​ച്ചു​കൊ​ണ്ടി​രി​ക്കു​ന്ന​ത്. ‘Exile is not Geographic state, I carry it everywhere’ എ​ന്ന് എ​ഡ്വേ​ർ​ഡ്സൈ​ദ്. ഒ​രു വി​ഭാ​ഗ​ത്തി​ന്റെ ആ​ഘോ​ഷ​ത്തി​ന്റെ പേ​രി​ൽ മ​റ്റൊ​രു​വി​ഭാ​ഗ​ത്തി​ന് വീ​ട്ടി​ന് പു​റ​ത്തി​റ​ങ്ങാ​നാ​വാ​ത്ത അ​വ​സ്​​ഥ ഉ​ണ്ടാ​യി​ത്തീ​രു​മ്പോ​ൾ ഇ​ല്ലാ​താ​വു​ന്ന​ത്, അ​തു​വ​രെ, നി​ര​വ​ധി സ​മ​ര​ങ്ങ​ളി​ലൂ​ടെ നാം ​നേ​ടി​യെ​ടു​ത്ത ജ​നാ​യ​ത്ത മൂ​ല്യ​ങ്ങ​ൾ​ക്കൊ​പ്പം മ​ത​മൂ​ല്യ​ങ്ങ​ളു​മാ​ണ്.

പ​ല​മ​ത​സാ​ര​വു​മേ​കം നാം ​ആ​ത്മ​സ​ഹോ​ദ​ര​ർ എ​ന്നൊ​ക്കെ​യു​ള്ള വാ​ക്യ​ങ്ങ​ൾ കോ​പ്പി എ​ഴു​തി കൈ​യ​ക്ഷ​രം ന​ന്നാ​ക്കാ​നു​ള്ള​ത​ല്ല. ചു​മ്മാ വ​ന്ന് മൈ​ക്കി​ന്റെ മു​ന്നി​ൽ​നി​ന്നും വി​ളി​ച്ചു​കൂ​വി ശ​ബ്ദ​മ​ലി​നീ​ക​ര​ണം ഉ​ണ്ടാ​ക്കാ​നു​ള്ള​തു​മ​ല്ല. ഒ​രാ​ളെ​പ്പോ​ലും ഉ​പ​ദ്ര​വി​ക്കു​മ്പോ​ൾ ചെ​ല​വ​ഴി​ക്കേ​ണ്ടി​വ​രു​ന്ന അ​ധി​ക ഊ​ർ​ജം വെ​റു​തെ പാ​ഴാ​ക്കാ​തി​രി​ക്കാ​നു​ള്ള വി​വേ​കം, തോ​ട്ടി​ലൊ​ഴു​ക്കാ​തി​രി​ക്കാ​നു​ള്ള ധീ​ര​വി​ന​യ​മാ​ണ് സ​മീ​പ​കാ​ല ഉ​ത്സ​വാ​ക്ര​മ​ണ​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന​വ​ർ ഉ​ൾ​ക്കൊ​ള്ളേ​ണ്ട​ത്.

മ​നു​ഷ്യ​ത്വം സ​മ​ർ​പ്പി​ക്കു​ന്ന ഇ​പ്ര​കാ​ര​മു​ള്ള ഏ​തൊ​രു ദ​യാ​ഹ​ര​ജി​യെ​യും ഫാ​ഷി​സം പു​റം​കാ​ൽ​കൊ​ണ്ട് ത​ട്ടി​ത്തെ​റി​പ്പി​ക്കും. പ​ക്ഷേ, ഒ​രു മ​ത​നേ​തൃ​ത്വ​വും അ​തി​ന് മു​ന്നി​ൽ കു​മ്പി​ടാ​ൻ പാ​ടി​ല്ല. പി​ൽ​ക്കാ​ല​ത്ത്, ഫാ​ഷി​സ്റ്റ് വി​രു​ദ്ധ സ​മ​ര​ത്തി​ന്റെ വി​ശ്വ​പ്ര​തീ​ക​മാ​യി വ​ള​ർ​ന്ന പാ​സ്റ്റ​ർ നീ​മോ​യു​ള്ള ആ​ദ്യ​ഘ​ട്ട​ത്തി​ൽ ഹി​റ്റ്​​ല​റോ​ട് ആ​ഭി​മു​ഖ്യം പു​ല​ർ​ത്തി​യി​രു​ന്നു എ​ന്ന​തും, പി​ന്നീ​ട് സ്വ​ന്തം മ​ത​മൂ​ല്യ​ങ്ങ​ളി​ൽ​കൂ​ടി ഫാ​ഷി​സം കാ​ൽ​ക​ട​ത്തി​യ​പ്പോ​ഴാ​ണ്, അ​ദ്ദേ​ഹം ഫാ​ഷി​സ​ത്തി​നെ​തി​രെ തി​രി​ഞ്ഞ​തെ​ന്നും, അ​ക്രാ​മ​ക​ഹോ​ളി ആ​ഘോ​ഷ​ത്തി​നു മു​ന്നി​ൽ മൗ​നം​പാ​ലി​ക്കു​ന്ന​വ​ർ മ​റ​ക്ക​രു​ത്.

മ​ന്ത്ര​വി​ദ്യ​യി​ലൂ​ടെ യാ​ഷെ​ഡോ​ർ​ജ എ​ന്ന യാ​ഥാ​സ്​​ഥി​തി​ക ബു​ദ്ധ​മ​ത പു​രോ​ഹി​ത​ൻ മ​ഴ​പെ​യ്യു​ന്ന​ത്, സ​ന്യാ​സ​സം​ഗ​മ സ​മ​യ​ത്ത്, ആ ​സം​ഗ​മ​ത്തി​ന് ത​ട​സ്സ​മാ​വാ​തി​രി​ക്കാ​ൻ ത​ട​ഞ്ഞു​നി​ർ​ത്തി​യ​തി​നെ​പ്പ​റ്റി അ​ഭി​പ്രാ​യം ചോ​ദി​ച്ച​പ്പോ​ൾ, യാ​ഥാ​സ്​​ഥി​തി​ക​ന​ല്ലാ​ത്ത ഗ​ഷെ​ഡ​ർ​ഗി എ​ന്ന പു​രോ​ഹി​ത​ൻ ആ ​ചോ​ദ്യ​ത്തോ​ട് പ്ര​തി​ക​രി​ച്ച​ത്, അ​തൊ​ട്ടും ന​ന്നാ​യി​ല്ല, അ​ത് മ​ഴ പെ​യ്യി​ക്കു​ന്ന ദേ​വ​ത​ക​ളെ വേ​ദ​നി​പ്പി​ക്കു​ന്ന​താ​ണ്, അ​തി​ൽ ആ​ർ​ദ്ര​ത​യി​ല്ല എ​ന്നാ​ണ്. (That was not good. No Compassion, It hurts Devas).

മ​ന്ത്ര​സി​ദ്ധി​കൊ​ണ്ട് ആ​ർ​ക്കെ​ങ്കി​ലും മ​ഴ​യെ ത​ട​ഞ്ഞു​നി​ർ​ത്താ​ൻ ക​ഴി​യു​മോ ഇ​ല്ല​യോ എ​ന്നു​ള്ള​തി​നെ​യ​ല്ല, ഇ​നി അ​ങ്ങ​നെ​യെ​ങ്ങാ​ൻ ക​ഴി​ഞ്ഞാ​ൽ​പോ​ലും, അ​ത് മ​ഴ പെ​യ്യി​പ്പി​ക്കു​ന്ന ദേ​വ​ക​ളെ വേ​ദ​നി​പ്പി​ക്കു​മ​ല്ലോ എ​ന്നോ​ർ​ത്താ​ണ് ഗ​ഷെ​ഡ​ർ​ഗി വ്യാ​കു​ല​നാ​യ​ത്! അ​സം​ഭ​വ്യ​മാ​യൊ​രു കാ​ര്യം മ​ന്ത്ര​സി​ദ്ധി​കൊ​ണ്ടെ​ങ്ങാ​ൻ സം​ഭ​വി​ച്ചാ​ൽ അ​ത് കം​പാ​ഷ​ന് അ​ഥ​വാ ഏ​ത് അ​ത്ഭു​ത​ങ്ങ​ൾ​ക്കും മു​ക​ളി​ൽ മ​നു​ഷ്യ​ർ പ്ര​തി​ഷ്ഠി​ക്കേ​ണ്ട ആ​ർ​ദ്ര​ത​യെ​ന്ന മ​ഹാ​മൂ​ല്യ​ത്തി​ന് എ​തി​രാ​യി തീ​രു​മ​ല്ലോ എ​ന്നോ​ർ​മി​ക്കു​ന്ന​തി​ലാ​ണ്, ഓ​ർ​മി​പ്പി​ക്കു​ന്ന​തി​ലാ​ണ് അ​ദ്ദേ​ഹം ശ്ര​ദ്ധ​പു​ല​ർ​ത്തി​യ​ത്.

അ​ത്ഭു​ത​ങ്ങ​ളു​ടെ മു​ന്നി​ൽ അ​ന്ധാ​ളി​ക്കു​മ്പോ​ഴ​ല്ല, ആ​ർ​ദ്ര​ത​ക്കു മു​ന്നി​ൽ ശി​ര​സ്സ് കു​നി​ക്കു​മ്പോ​ഴാ​ണ് മ​ഹാ​ത്ഭു​ത​ങ്ങ​ൾ സം​ഭ​വി​ക്കു​ന്ന​ത്. കാ​രു​ണ്യ​മി​ല്ലാ​തെ നി​ങ്ങ​ൾ നി​ർ​വ​ഹി​ക്കു​ന്ന ഒ​രു​ത​ത്തി​ലും എ​നി​ക്കൊ​രു താ​ൽ​പ​ര്യ​വു​മി​ല്ലെ​ന്ന് മ​ദ​ർ തെ​രേ​സ എ​ഴു​തി​യ​തി​ലും. ക​രു​ണ​വാ​ൻ ന​ബി മു​ത്തു​ര​ത്ന​മോ എ​ന്ന് ഗു​രു​ദേ​വ​ൻ പ്ര​വാ​ച​ക​നെ​ക്കു​റി​ച്ച് പ​റ​ഞ്ഞ​തി​ലും, സ്വ​യ​മ​റി​യാ​തെ അ​പ്പോ​ൾ ന​മ്മ​ളും നി​ർ​വൃ​ത​മാ​വും. അരുൾ, അൻപ്, അനുകമ്പ ഈ മൂന്നിലും പൊരുൾ ഒന്നാണ്. അരുളുള്ളവനാണ് ജീവി. അരുളില്ലെങ്കിൽ മനുഷ്യൻ, അസ്ഥി, തോൽ, സിര ഇവകൊണ്ടു തീർത്ത നാറുന്ന ഉടമ്പ് മാത്രം (തിരുക്കുറൽ).

ചോ​ര ക​ണ്ടാ​ൽ മാ​ത്രം ചി​രി​ക്കാ​ൻ ക​ഴി​യു​ന്ന​വ​ർ​ക്കെ​ന്ത് ന​ബി, എ​ന്ത് ഗു​രു എ​ന്ത് മ​ദ​ർ തെ​രേ​സാ! 1990ൽ ​ബാ​ബ​രി പ​ള്ളി പൊ​ളി​ക്കാ​നു​ള്ള ഫാ​ഷി​സ്റ്റ് യാ​ത്ര​ക്ക് നേ​തൃ​ത്വം ന​ൽ​കി​യ അ​ദ്വാ​നി​യെ പ​ല സ്​​ഥ​ല​ങ്ങ​ളി​ലും അ​നു​യാ​യി​ക​ൾ വ​ര​വേ​റ്റ​ത് ര​ക്തം ന​ൽ​കി​യാ​യി​രു​ന്നു. കാ​ളി​ദാ​സ മ​ഹാ​ക​വി​യു​ടെ സ്​​മ​ര​ണ​ക​ളി​ര​മ്പു​ന്ന ഉ​ൈ​ജ്ജ​നി​യി​ൽ​പോ​ലും പു​സ്​​ത​കം ന​ൽ​കി​യ​ല്ല, ത്രി​ശൂ​ലം ന​ൽ​കി​യാ​യി​രു​ന്നു സ്വീ​ക​ര​ണം!

ന​വോ​ത്ഥാ​ന​മൂ​ല്യ​ങ്ങ​ൾ​ക്കൊ​പ്പം നി​ന്ന​തി​ന്റെ പേ​രി​ൽ പു​റം​ത​ള്ള​പ്പെ​ട്ട അ​ന്ത​ർ​ജ​ന​ങ്ങ​ൾ 1948ൽ ​എ​ഴു​തി അ​ഭി​ന​യി​ച്ച, ‘തൊ​ഴി​ൽ​കേ​ന്ദ്ര​ത്തി​ലേ​ക്ക്’ എ​ന്ന കോ​ളി​ള​ക്ക​മു​ണ്ടാ​ക്കി​യ നാ​ട​ക​ത്തി​ൽ, അ​തി​ലെ ക​ഥാ​പാ​ത്ര​ങ്ങ​ളാ​യ വ​ക്കീ​ലും, അ​ദ്ദേ​ഹ​ത്തി​ന്റെ ഭാ​ര്യ ദേ​വ​കി​യും ത​മ്മി​ലു​ള്ളൊ​രു സം​ഭാ​ഷ​ണം, കാ​ര്യ​ങ്ങ​ളു​ടെ കി​ട​പ്പ് മ​ന​സ്സി​ലാ​ക്കാ​നും, എ​പ്ര​കാ​ര​മാ​ണ് കം​പാ​ഷ​ൻ അ​ഥ​വാ ആ​ർ​ദ്ര​ത സ​മൂ​ഹ​ത്തി​ൽ ന​ഷ്​​ട​മാ​വു​ന്ന​തെ​ന്ന് തി​രി​ച്ച​റി​യാ​നും സ​ഹാ​യ​ക​മാ​യേ​ക്കും.

വ​ക്കീ​ൽ കൈ​യി​ൽ വാ​ളും പ​രി​ച​യു​മാ​യി പ്ര​വേ​ശി​ക്കു​ന്നു. ദേ​വ​കി ചോ​ദി​ക്കു​ന്നു ദേ​യ് ഇ​തെ​ന്താ​ണ്? ഈ ​വാ​ളും പ​രി​ചേം ഒ​ക്യാ​യി​ട്ട്? വ​ക്കീ​ൽ പ​റ​യു​ന്നു ഇ​താ​ണ് ആ​ർ.​എ​സ്.​​എ​സ്. വാ​ക്കി​ന്റെ സ്​​ഥാ​നം വാ​ളേ​റ്റെ​ടു​ത്താ​ൽ, ദൃ​ശ്യ​വി​സ്​​മ​യ​മൊ​രു​ക്കേ​ണ്ട വ​ർ​ണ​ങ്ങ​ൾ സ്​​ഫോ​ട​ന​വ​സ്​​തു​ക്ക​ളാ​യി പ​രി​ണ​മി​ച്ചാ​ൽ, സ​ർ​ക്കാ​ർ ത​ത്സ​മ​യം ഇ​ത്ത​ര​മ​വ​സ്​​ഥ​ക​ളെ നി​യ​ന്ത്രി​ക്കു​ന്ന​തി​ൽ മ​ടി​കാ​ണി​ച്ചാ​ൽ, എ​രി​തീ​യി​ൽ എ​ണ്ണ പ​ക​രും​വി​ധം ഇ​ന്ത്യ​യി​ൽ പ​ല​ഭാ​ഗ​ത്തും ഇ​പ്പോ​ൾ പ​തി​വാ​യി മാ​റി​യ വി​ദ്വേ​ഷ​പേ​ച്ചു​ക​ൾ അ​ര​ങ്ങ് വാ​ഴാ​ൻ ആ​രം​ഭി​ച്ചാ​ൽ, വെ​റു​പ്പ് ഔ​ദ്യോ​ഗി​ക​ഭാ​ഷ​യാ​യാ​ൽ താ​ൽ​ക്കാ​ലി​ക​മാ​യെ​ങ്കി​ലും അ​വി​ടെ​നി​ന്ന് ആ​ർ​ദ്ര​ത​ക​ളൊ​ക്കെ​യും അ​പ്ര​ത്യ​ക്ഷ​മാ​വും.

വം​ശ​ഹ​ത്യാ​ന​ന്ത​ര ഗു​ജ​റാ​ത്തി​നെ​ക്കു​റി​ച്ച് മു​മ്പ് അ​ഴീ​ക്കോ​ട്മാ​ഷ് എ​ഴു​തി: ഗു​ജ​റാ​ത്തി​ലെ ക്രൂ​ര​ത​യെ തോ​ൽ​പി​ക്കു​ന്ന ത​ര​ത്തി​ലു​ള്ള ക്രൂ​ര​ത ലോ​ക​ത്തൊ​രി​ട​ത്തു​മു​ണ്ടാ​യി​ട്ടി​ല്ല. വീ​ണ്ടും അ​വി​ടെ ജ​നി​ക്കാ​ൻ ഗാ​ന്ധി​ജി ഭ​യ​പ്പെ​ടും. അ​ങ്ങ​നെ​യെ​ങ്കി​ൽ ഇ​ന്ന് ഉ​ത്ത​രേ​ന്ത്യ​യി​ലെ പ​ല സ്​​ഥ​ല​ങ്ങ​ളി​ലും ഇ​പ്ര​കാ​ര​മ​ല്ലെ​ങ്കി​ലും ഏ​റെ അ​സ്വ​സ്​​ഥ​ജ​ന​ക​മാ​യ അ​വ​സ്​​ഥ​യാ​ണ് കൊ​ടു​മ്പി​രി​ക്കൊ​ണ്ടി​രി​ക്കു​ന്ന​ത്.

ഉ​ത്ത​ർ​പ്ര​ദേ​ശി​ലെ ഷാ​ജ​ഹാ​ൻ​പു​റി​ൽ ഹോ​ളി ആ​ഘോ​ഷ​ത്തി​ന്റെ ഭാ​ഗ​മാ​യി ടാ​ർ​പോ​ളി​നി​ട്ട് മൂ​ടാ​ൻ നി​ർ​ബ​ന്ധി​ത​മാ​യ പ​ള്ളി​ക​ൾ സ​മ​കാ​ല​ദു​ര​വ​സ്​​ഥ​യു​ടെ പ്ര​തീ​ക​ദു​ര​ന്ത​ങ്ങ​ളാ​ണ്. ഹി​ജാ​ബി​നു​പ​ക​രം ടാ​ർ​പോ​ളി​ൻ ധ​രി​ക്കാ​നു​ള്ള ബി.​ജെ.​പി നേ​താ​വ് ര​ഘു​രാ​ജ്സി​ങ്ങി​ന്റെ നി​ർ​ദേ​ശം നി​റ​ങ്ങ​ളു​ടെ നൃ​ത്തം ആ​ഘോ​ഷി​ക്കേ​ണ്ട, ഹോ​ളി​ക്ക് അ​വ​മാ​ന​മാ​ണ്.

എ​ത്ര ശ്ര​മി​ച്ചാ​ലും മ​ത​നി​ര​പേ​ക്ഷ​ത​ക്ക് ഒ​ന്ന് ഉ​ള്ളം​തു​റ​ന്ന് മ​ന്ദ​ഹ​സി​ക്കാ​നാ​വാ​ത്ത ഒ​ര​വ​സ്​​ഥ​യി​ലേ​ക്കാ​ണ് യു.​പി​യി​ലെ​യും മ​ധ്യ​പ്ര​ദേ​ശി​ലെ​യും ഹ​രി​യാ​ന​യി​ലെ​യും ഝാ​ർ​ഖ​ണ്ഡി​ലെ​യും ഉ​ത്ത​രാ​ഖ​ണ്ഡി​ലെ​യും ഛത്തി​സ്​​ഗ​ഢി​ലെ​യും ചി​ല സ്​​ഥ​ല​ങ്ങ​ൾ മാ​റി​ക്കൊ​ണ്ടി​രി​ക്കു​ന്ന​ത്. അ​പൂ​ർ​വം ചി​ല സ്​​ഥ​ല​ങ്ങ​ൾ ഇ​തി​ന് അ​പ​വാ​ദ​മാ​യി, മ​ത​നി​ര​പേ​ക്ഷ​ത​ക്കു​ള്ള പു​ര​സ്​​കാ​രം സ​മ​ർ​പ്പി​ക്കു​ന്ന​ത് ഒ​രു​ൾ​പു​ള​ക​ത്തോ​ടെ അ​പ്പോ​ഴും ന​മു​ക്ക​നു​ഭ​വി​ക്കാ​നും ക​ഴി​യും, ക​ഴി​യ​ണം.

ഉ​ത്സ​വ​കാ​ല​ത്ത് സം​ഘ​ർ​ഷ​മു​ണ്ടാ​ക്കു​ന്ന​ത് വി​വി​ധ മ​ത​ത്തി​ൽ​പ്പെ​ട്ട​വ​ര​ല്ല, ബ​ജ്റം​ഗ്ദ​ൾ മാ​തൃ​ക​യി​ലു​ള്ള തീ​വ്ര സം​ഘ​ട​ന​ക​ളാ​ണ്. ഡ​ൽ​ഹി​യി​ലെ സിം​ലാ​പൂ​രി​ൽ​ന​ട​ന്ന ഹോ​ളി, വെ​ള്ളി​യാ​ഴ്ച പ​ള്ളി​യി​ൽ​നി​ന്ന് ജു​മു​അ ന​മ​സ്​​കാ​രം ക​ഴി​ഞ്ഞ് വ​രു​ന്ന​വ​രു​ടെ മേ​ൽ പ​തി​വ് ചാ​യ​ങ്ങ​ൾ​ക്കു പ​ക​രം നി​റ​പ്പ​കി​ട്ടു​ള്ള പൂ​ക്ക​ൾ വി​ത​റി​കൊ​ണ്ട് കൂ​ടി​യാ​യി​രു​ന്നു ആ​ഘോ​ഷി​ക്ക​പ്പെ​ട്ട​തെ​ന്നു​ള്ള​ത്, അ​ത്ര പെ​െ​ട്ട​ന്നൊ​ന്നും മേ​ൽ​പ​റ​ഞ്ഞ തീ​വ്ര സം​ഘ​ട​ന​ക​ൾ​ക്ക് മ​റി​ച്ചി​ടാ​ൻ ക​ഴി​യു​ന്ന​ത​ല്ല, വി​വി​ധ മ​ത​വി​ഭാ​ഗ​ങ്ങ​ൾ​ക്കി​ട​യി​ലെ സൗ​ഹൃ​ദം എ​ന്നു​ള്ള​തി​ന്റെ സ്​​നേ​ഹ​സാ​ക്ഷ്യ​മാ​ണ്.

ഹോ​ളി ആ​ഘോ​ഷ​ങ്ങ​ൾ​ക്കി​ട​യി​ൽ ആ​ക്ര​മി​ക്ക​പ്പെ​ട്ട​വ​ർ​ക്കും അ​വ​ഹേ​ളി​ക്ക​പ്പെ​ട്ട​വ​ർ​ക്കു​മി​ട​യി​ൽ ച​ങ്ക് പൊ​ള്ളി​ക്കു​ന്ന ഒ​ന്നാ​ണ്, രാ​ജ​സ്​​ഥാ​നി​ലെ ഡൗ​സാ​പ്ര​ദേ​ശ​ത്തെ ഇ​രു​പ​ത്തി​അ​ഞ്ച് വ​യ​സ്സു​ള്ള ഹ​ൻ​സ്​​രാ​ജ് മീ​ണ​യു​ടെ അ​ന്ത്യം. സം​ഭ​വം ന​ട​ന്ന​ത് തെ​രു​വി​ല​ല്ല, ലൈ​ബ്ര​റി​ക്ക​ക​ത്താ​ണ്. മ​ത്സ​ര​പ്പ​രീ​ക്ഷ​ക്ക് പ​ഠി​ച്ചു​കൊ​ണ്ടി​രി​ക്കു​ക​യാ​യി​രു​ന്ന ഹ​ൻ​സ്​​രാ​ജ് മീ​ണ​യെ ഇ​ടി​ച്ചു​ക​യ​റി​യ മൂ​ന്നു പേ​ർ, ചാ​യം തേ​ക്കാ​ൻ വി​സ​മ്മ​തി​ച്ച​തി​ന്റെ പേ​രി​ൽ ഇ​ടി​ച്ചു​കൊ​ല്ലു​ക​യാ​ണു​ണ്ടാ​യ​ത്.

മ​റ്റേ​തെ​ങ്കി​ലും കാ​ല​ത്ത്, ഇ​തു​പോ​ലൊ​രു ഹോ​ളി കൊ​ല ഇ​ന്ത്യ​യി​ൽ ന​ട​ന്ന​താ​യി അ​റി​യി​ല്ല. ലൈ​ബ്ര​റി​യി​ലെ നി​ശ്ശ​ബ്ദ​ത​ക്കി​ട​യി​ൽ ത​ളം​കെ​ട്ടി​യ മ​നു​ഷ്യ​ര​ക്ത​ത്തി​ന്റെ നി​ല​വി​ളി​ക്കു മു​ന്നി​ൽ, ഹോ​ളി ആ​ഘോ​ഷ നി​റ​ങ്ങ​ൾ, അ​പ്പോ​ൾ നി​റം​കെ​ട്ട് ത​ള​ർ​ന്നു​പോ​യി​രി​ക്ക​ണം. ഇ​തെ​ല്ലാം സം​ഭ​വി​ക്കു​ന്ന​ത് ജീ​വി​ത​ത്തെ ഏ​റെ നി​റ​പ്പ​കി​ട്ടാ​ക്കേ​ണ്ട, നി​റ​ങ്ങ​ൾ നൃ​ത്തം ച​വി​ട്ടേ​ണ്ട ഹോ​ളി ഉ​ത്സ​വ​ത്തി​ന്റെ പേ​രി​ലാ​ണെ​ന്നോ​ർ​ക്കു​മ്പോ​ൾ, ന​മ്മു​ടെ ഇ​ന്ത്യ എ​ങ്ങോ​ട്ടാ​ണ് പോ​വു​ന്ന​തെ​ന്ന് ന​മു​ക്കി​നി​യും മ​ന​സ്സി​ലാ​വു​ന്നി​ല്ലെ​ങ്കി​ൽ, ന​മ്മു​ടെ മ​ന​സ്സി​ന് ചി​കി​ത്സ ആ​വ​ശ്യ​മു​ള്ള കാ​ര്യ​മാ​യ എ​ന്തോ ത​ക​രാ​റ് സം​ഭ​വി​ച്ചി​ട്ടു​ണ്ടെ​ന്നെ​ങ്കി​ലും മ​ന​സ്സി​ലാ​ക്കാ​ൻ ക​ഴി​യ​ണം. സ്വാ​ഭാ​വി​ക​മെ​ന്ന് നാം ​ക​രു​തു​ന്ന ഒ​ന്നും അ​ത്ര സ്വ​യം​ഭൂ​വ​ല്ല. ‘Thought that accepts reality as given, is not thought at all’.