അൻവർ സാദത്ത് ഭാര്യ സബീനയോടൊപ്പം വോട്ട് രേഖപ്പെടുത്തിയശേഷം
വിവാഹ വാർഷികദിനത്തിലായിരുന്നു ഇത്തവണ ആലുവ മണ്ഡലം യു.ഡി.എഫ് സ്ഥാനാർഥി അൻവർ സാദത്ത് വോട്ട് രേഖപ്പെടുത്തിയത്. ചെങ്ങമനാട് ഗ്രാമപഞ്ചായത്ത് ആറാം വാർഡിലെ താമസക്കാരനായ അൻവർ സാദത്തിെൻറയും ഭാര്യ ഇടപ്പള്ളി ചക്കരപ്പറമ്പ് സ്വദേശിനി സബീനയുടെയും 18ാം വിവാഹ വാർഷികമായിരുന്നു ചൊവ്വാഴ്ച.
രാവിലെ വിദ്യാർഥിനികളായ മക്കൾ സിമി ഫാത്തിമയും സഫ ഫാത്തിമയും മധുരം നൽകി. മക്കളുടെ സ്നേഹചുംബനങ്ങളും വിജയാശംസകളും ഏറ്റുവാങ്ങിയാണ് സാദത്തും സബീനയും പുതുവാശ്ശേരി കമ്യൂണിറ്റി ഹാളിലെ 64ാം നമ്പർ ബൂത്തിലെത്തി വോട്ട് രേഖപ്പെടുത്തിയത്.
വിവാഹ വാർഷികത്തിന് സാധാരണ ചടങ്ങുകളൊന്നും സംഘടിപ്പിക്കാറില്ല. വോട്ട് ചെയ്തശേഷം ഭാര്യയെ വീട്ടിലാക്കി സാദത്ത് മണ്ഡലത്തിലെ ബൂത്തുകൾ സന്ദർശിക്കാൻ പുറപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.