ആമസോൺ പ്രൈം വീഡിയോയിൽ പ്രേക്ഷക പ്രശംസ പിടിച്ചുപറ്റിയ സൈക്കോളജിക്കൽ ത്രില്ലർ 'ബ്രീത്: ഇൻടൂ ദി ഷാഡോസി'ന്റെ പുതിയ സീസൺ പ്രഖ്യാപിച്ചു. അഭിഷേക് ബച്ചൻ, അമിത് സാദ്, നിത്യ മേനോൻ, സയാമി ഖേർ എന്നിവർ പ്രധാന വേഷത്തിലെത്തുന്ന പരമ്പരയുടെ പുതിയ സീസണിൽ നവീൻ കസ്തൂരിയയും പ്രധാന കഥാപാത്രത്തെ അവതരിപ്പിക്കും. അബണ്ടൻഷ്യ എന്റർടൈൻമെന്റ് ആവിഷ്കരിക്കുകയും നിർമ്മിക്കുകയും മായങ്ക് ശർമ്മ സംവിധാനം ചെയ്യുകയും ചെയ്യുന്ന പുതിയ സീസൺ ഡൽഹിയിലും മുംബൈയിലുമായി ചിത്രീകരണം ആരംഭിച്ചു. 2022 പ്രൈം വീഡിയോയിൽ പ്രദർശനം ആരംഭിക്കും.
'ബ്രീത്ത്: ഇൻടു ദി ഷാഡോസിനു ലഭിച്ച ജനപ്രീതി കണക്കിലെടുക്കുമ്പോൾ, പുതിയ സീസൺ ഉടൻ തന്നെ ഉണ്ടാകുമെന്ന് ഉറപ്പായിരുന്നു'-പ്രൈം വീഡിയോ ഇന്ത്യ, ഒറിജിനൽസ് മേധാവി അപർണ പുരോഹിത് പറഞ്ഞു.
സീരീസിെൻറ മറ്റൊരു എഡിഷനിലൂടെ ആമസോൺ പ്രൈം വീഡിയോയുമൊത്തുള്ള ഞങ്ങളുടെ യാത്രയിൽ ഒരു പുതിയ അധ്യായം ആരംഭിക്കാനായതിൽ അതീവ സന്തോഷത്തിലാണെന്ന് അബണ്ടൻഷ്യ എന്റർടൈൻമെന്റിന്റെ സ്ഥാപകനും ചീഫ് എക്സിക്യൂട്ടീവ് ഓഫീസറുമായ വിക്രം മൽഹോത്ര പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.