ലണ്ടൻ: പ്രശസ്ത ഹോളിവുഡ് നടി മാഗി സ്മിത്ത് (89) അന്തരിച്ചു. ബ്രിട്ടീഷ് നാടക, സിനിമ ഇതിഹാസമായ മാഗി സ്മിത്ത് രണ്ട് ഓസ്കറുകൾ നേടിയിട്ടുണ്ട്. 1934ലായിരുന്നു ജനനം. നാടകത്തിലൂടെയാണ് മാഗി സ്മിത്തിന്റെ കരിയറിന്റെ തുടക്കം. 1958ലെ മെലോഡ്രാമയായ നോവേർ ടു ഗോയിലൂടെ ആദ്യത്തെ ബാഫ്ത നാമനിർദേശം നേടി. 1965ൽ പുറത്തിറങ്ങിയ ഒഥല്ലോയിലൂടെ ആദ്യമായി ഓസ്കറിന് നാമനിർദേശം ചെയ്യപ്പെട്ടു.
ദ പ്രൈം ഓഫ് മിസ് ജീൻ ബ്രോഡി (1970), കാലിഫോർണിയ സ്യൂട്ട് (1979) എന്നീ ചിത്രങ്ങളിലെ പ്രകടനത്തിനാണ് ഓസ്കർ നേടിയത്. എട്ട് ബാഫ്റ്റ പുരസ്കാരവും സ്വന്തമാക്കിയിട്ടുണ്ട്. ഡൗൺടൗൺ ആബി, ഹാരി പോട്ടർ എന്നിവയിലെ വേഷങ്ങളിലൂടെ ഏറെ പ്രശസ്തി നേടി.
ടോബി സ്റ്റീഫൻസ്, ക്രിസ് ലാർകിൻ എന്നിവർ മക്കളാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.