സിനിമയെക്കുറിച്ച് സംസാരിക്കാൻ പിതാവും നടനുമായ ആമിർ ഖാനേക്കാളും തനിക്കിഷ്ടം ബോണി കപൂറിനോടാണെന്ന് ജുനൈദ് ഖാൻ. തന്റെ പുതിയ ചിത്രമായ ‘ലൗയാപാ’ യുടെ പ്രമോഷനുമായി ബന്ധപ്പെട്ട അഭിമുഖത്തിലാണ് ജുനൈദ് ഇത് പറഞ്ഞത്. ‘ലൗയാപാ’ സിനിമയുടെ നിർമാതാവും നടി ഖുശി കപൂറിന്റെ പിതാവുമാണ് ബോണി കപൂർ. ‘‘ബോണി കപൂറുമായി വളരെ നല്ല ബന്ധമാണ് എനിക്കുള്ളത്. അദ്ദേഹത്തോട് മണിക്കൂറുകളോളം സംസാരിച്ചിരിക്കാൻ എനിക്കിഷ്ടമാണ്. 50 വർഷത്തോളമായി സിനിമാരംഗത്തുള്ള ബോണി അങ്കിളിന് ഒരുപാട് കഥകൾ പറയാനുണ്ട്- ജുനൈദ് പറഞ്ഞു. 30ാം വയസ്സിൽ നെറ്റ്ഫ്ലിക്സിൽ റിലീസ് ചെയ്ത ‘മഹാരാജ’ യിലൂടെയാണ് ജുനൈദ് അഭിനയരംഗത്തെത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.