ബോക്സോഫീസ് റെക്കോർഡുകൾ മറി കടന്ന് ഷാറൂഖ് ഖാന്റെ പത്താൻ തിയറ്ററുകളിൽ ജൈത്രയാത്ര തുടരുകയാണ്. ഇപ്പോഴിതാ 900 കോടി ക്ലബ്ബിൽ ഇടംപിടിച്ചിരിക്കുകയാണ് ചിത്രം. യഷ് രാജ് ഫിലിംസാണ് സോഷ്യൽ മീഡിയ പേജിലൂടെ ഇക്കാര്യം പുറത്തു വിട്ടത്. 17 ദിവസം കൊണ്ട് 901 കോടിയാണ് ചിത്രം നേടിയത്. അടുത്തിടെ തന്നെ ചിത്രം 1000 കോടി കടക്കുമെന്നാണ് പ്രതീക്ഷ.
ജനുവരി 25 ന് പ്രദർശനത്തിനെത്തിയ പത്താൻ 558 കോടിയാണ് ഇന്ത്യയിൽ നിന്ന് സ്വന്തമാക്കിയിരിക്കുന്നത്. 343 കോടിയാണ് ഓവർസീസ് കളക്ഷൻ. അടുത്ത വാരം അവസാനിക്കുന്നതിന് മുമ്പ് തന്നെ ചിത്രം 1000 കോടി ക്ലബ്ബിൽ ഇടംപിടിക്കുമെന്നാണ് ട്രേഡ് അനലിസ്റ്റുകളുടെ നിഗമനം.
നാല് വർഷത്തിന് ശേഷം പുറത്ത് വരുന്ന ഷാറൂഖ് ചിത്രമാണ് പത്താൻ. ദീപിക പദുകോണും ജോൺ എബ്രഹാമും ചിത്രത്തിൽ പ്രധാനകഥാപാത്രങ്ങളെ അവതരിപ്പിക്കുന്നു. സിദ്ധാർഥ് ആനന്ദ് സംവിധാനം ചെയ്ത ചിത്രത്തിൽ ഡിംപിള്‍ കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങിയവരാണ് മറ്റു താരങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.