മുംബൈ: ബോളിവുഡ് നടി പൂനം പാണ്ഡെയുടെ പരാതിയിൽ ഭർത്താവ് സാം ബോംബെ അറസ്റ്റിൽ. തന്നെ ആക്രമിച്ചുവെന്ന് കാട്ടി നടി മുംബൈ പൊലീസിൽ നൽകിയ ഞായറാഴ്ച പരാതിയെ തുടർന്നാണ് അറസ്റ്റ്.
മുംബൈയിലെ ആശുപത്രിയിൽ ചികിത്സയിലാണ് പൂനമെന്നും നടിയുടെ പരാതിയിൽ തിങ്കളാഴ്ച ഭർത്താവ് സാം ബോംബെയെ അറസ്റ്റ് ചെയ്തതായും മുംബൈ പൊലീസ് പറഞ്ഞു.
നേരത്തേയും ഭർത്താവ് ഉപദ്രവിച്ചുവെന്ന പരാതിയുമായി പൂനം പാണ്ഡെ രംഗത്തെത്തിയിരുന്നു. കഴിഞ്ഞവർഷം സെപ്റ്റംബറിൽ സാം ബോംബെ ലൈംഗികമായി പീഡിപ്പിച്ചുവെന്നും ഭീഷണിപ്പെടുത്തിയെന്നും കാട്ടി പൂനം പരാതി നൽകിയിരുന്നു. തുടർന്ന് പ്രൊഡ്യൂസർ കൂടിയായ സാമിന് ഉപാധികളോടെ ഗോവ കോടതി ജാമ്യം അനുവദിക്കുകയായിരുന്നു. പൂനം പാണ്ഡെയും സാമും ഗോവയിൽ എത്തിയതിന് പിന്നാലെയായിരുന്നു അന്ന് സംഭവങ്ങൾ അരങ്ങേറിയത്. അവിടെവെച്ച് ക്രൂരമായി ഉപദ്രവിച്ചുവെന്ന് അന്ന് പൂനം പാണ്ഡെ വെളിെപ്പടുത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.