ഹൃത്വിക് റോഷൻ, ദീപിക പദുകോൺ എന്നിവർ ആദ്യമായി ഒന്നിക്കുന്ന ചിത്രമാണ് ഫൈറ്റർ. സിദ്ധാർഥ് ആനന്ദ് സംവിധാനം ചെയ്യുന്ന ചിത്രം പ്രഖ്യാപനം മുതലെ വാർത്തകളിൽ നിറഞ്ഞു നിന്നിരുന്നു. ചിത്രത്തിനായി ആകാംക്ഷയോടെ കാത്തിരിക്കുന്ന പ്രേക്ഷകരിലേക്ക് ചിത്രവുമായി ബന്ധപ്പെട്ട ഒരു വാർത്ത പങ്കുവെച്ചിരിക്കുകയാണ്. ഫൈറ്ററിന്റെ റിലീസിങ് തിയതി നീട്ടിയിരിക്കുകയാണ്. 2024 ജനുവരി 25നാണ് ചിത്രം പ്രദർശനത്തിനെത്തുക. ഹൃത്വിക് റോഷന്റെ സോഷ്യൽ മീഡിയയിലൂടെയാണ് ഇക്കാര്യം ഔദ്യോഗികമായി അറിയിച്ചിരിക്കുന്നത്.
നേരത്തെ 2023 സെപ്റ്റംബർ 28 നാണ് ചിത്രത്തിന്റെ റിലീസിങ് തീയതി നിശ്ചയിച്ചിരുന്നത്. ഇതാണ് ഇപ്പോൾ മാറ്റിയിരിക്കുന്നത്. പ്രഭാസ്, പൃഥ്വിരാജ് എന്നിവരെ കേന്ദ്രകഥാപാത്രങ്ങളാക്കി പ്രശാന്ത് നീൽ സംവിധാനം ചെയ്യുന്ന സലാറും അടുത്ത വർഷം സെപ്റ്റംബർ 28 നാണ് തിയറ്ററുകളിൽ എത്തുന്നത്. ഇതിനെ തുടർന്നാണ് ഫൈറ്ററിന്റെ തീയതി മാറ്റിയതെന്നാണ് പ്രചരിക്കുന്ന റിപ്പോർട്ടുകൾ.
കെ.ജി.എഫിന് ശേഷം പ്രശാന്ത് നീല്‍ സംവിധാനം ചെയ്യുന്ന സലാര്‍ 200 കോടി ബജറ്റിലാണ് ഒരുങ്ങുന്നത്.ട
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.