തെന്നിന്ത്യൻ സൂപ്പർ താരം അല്ലു അർജുനും മലയാളികളുടെ പ്രിയ നടൻ ഫഹദ് ഫാസിലും ഒന്നിക്കുന്ന ബ്രഹ്മാണ്ഡ ചലച്ചിത്രം 'പുഷ്പ'യിലെ ഫഹദിന്‍റെ ക്യാരക്ടർ പോസ്റ്റർ പുറത്തുവിട്ടു. പൊലീസ് കഥാപാത്രമായാണ് ഫഹദ് സിനിമയിലെത്തുക.
മൊട്ടയടിച്ച് മാസ്ലുക്കിൽ കിടിലൻ മേക്കോവറാണ് ചിത്രത്തിനായി ഫഹദ് നടത്തിയിരിക്കുന്നത്. ബൻവാർ സിങ് ഷെകാവത്ത് ഐ.പി.എസ് എന്ന പൊലീസ് കഥാപാത്രമാണ് ഫഹദിേന്‍റത്. 'പുഷ്പ'യിലൂടെ പ്രതിനായക കഥാപാത്രമായാണ് താരത്തിന്‍റെ തെലുങ്ക് അരങ്ങേറ്റം.
രണ്ടു ഭാഗങ്ങളായാണ് ചിത്രം പുറത്തിറക്കുക. അല്ലു അർജുന്‍റെ സൂപ്പർ ഹിറ്റ് ചിത്രമായ ആര്യയുടെ സംവിധായകനായ സുകുമാർ ആണ് പുഷ്പയുടെയും സംവിധായകൻ. തമിഴ്, ഹിന്ദി, കന്നഡ, മലയാളം എന്നീ ഭാഷകളിലും ചിത്രത്തിന്‍റെ റിലീസുണ്ടാകും.
രശ്മിക മന്ദാന, ധനഞ്ജയ്്, സുനിൽ, അജയ് ഘോഷ്, പ്രകാശ് രാജ് എന്നിവരാണ് മറ്റു കഥാപാത്രങ്ങെള അവതരിപ്പിക്കുന്നത്. പുഷ്പയുടെ ടീസറിന് വൻ പ്രതികരണം സമൂഹമാധ്യമങ്ങളിൽ ലഭിച്ചിരുന്നു. ഏറ്റവും വേഗത്തിൽ 50 മില്ല്യൺ ആളുകൾ കണ്ട ആദ്യ ടീസർ കൂടിയാണ് പുഷ്പയുടേത്. 250 കോടി രൂപ ബജറ്റിലാണ് ചിത്രത്തിന്‍റെ നിർമാണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.