ചെന്നൈ: നടൻ മാധവന്‍റെ 51ാം ജന്മദിനമാണ് ജൂൺ ഒന്നിന്. അദ്ദേഹത്തിന്‍റെ ആരാധകർ ഇപ്പോഴേ തന്നെ സമൂഹമാധ്യമങ്ങളിലൂടെ ആശംസയറിയിച്ച് തുടങ്ങിയിട്ടുണ്ട്. ജന്മദിനാഘോഷം എന്തൊക്കെയാണെന്നും പലരും ചോദിക്കുന്നുണ്ട്. ഇതിന് ട്വീറ്റിലൂടെ മറുപടി നൽകിയിരിക്കുകയാണ് താരം.
ജന്മദിനാഘോഷത്തെ കുറിച്ച് ഇപ്പോഴത്തെ സാഹചര്യത്തിൽ ചിന്തിക്കാൻ പോലും കഴിയില്ലെന്ന് മാധവൻ പറയുന്നു. ആശംസകൾ അറിയിച്ച എല്ലാവർക്കും ഹൃദയത്തിന്‍റെ അടിത്തട്ടിൽ നിന്നും നന്ദി അറിയിക്കുന്നു. നമുക്ക് ചുറ്റും സംഭവിച്ചുകൊണ്ടിരിക്കുന്ന കാര്യങ്ങൾ പരിഗണിക്കുമ്പോൾ ഏതൊരു ആഘോഷവും ചിന്തിക്കാൻ പറ്റാത്ത ഒന്നാണ്. ജന്മദിനം ബഹളങ്ങളില്ലാതെ കടന്നുപോകും, അടുത്ത ആളുകൾ മാത്രമേ ഒപ്പമുണ്ടാകൂ -മാധവൻ ട്വീറ്റ് ചെയ്തു.
Hello my lovely Tweeplw-thank you for all the love from the bottom of my heart.Considering all that is happened & happening around us, I cannot imagine celebrating anything let alone my Birthday. I want to keep it very quiet and spend the day with my close ones.❤️❤️❤️🙏🙏🙏🙏
— Ranganathan Madhavan (@ActorMadhavan) May 30, 2021
നമ്പി നാരായാണന്‍റെ ജീവിതം പ്രമേയമാകുന്ന 'റോക്കട്രി; ദ നമ്പി എഫക്ട്' എന്ന ചിത്രമാണ് മാധവന്‍റെ അടുത്തതായി ഇറങ്ങാൻ പോകുന്നത്. മാധവൻ തന്നെയാണ് ചിത്രം സംവിധാനം ചെയ്യുന്നതും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.