പാത്രിയാർക്കീസ് ബാവയെ ബഹ്‌റൈൻ സംഘം സന്ദർശിച്ചപ്പോൾ
മനാമ: ആകമാന സുറിയാനി സഭയുടെ മേലധ്യക്ഷൻ മോറോൻ മോർ ഇഗ്‌നാത്തിയോസ് അപ്രേം ദ്വിതീയൻ പാത്രിയാർക്കീസ് ബാവയെ ബഹ്‌റൈൻ സെന്റ് പീറ്റേഴ്സ് യാക്കോബായ സുറിയാനി പള്ളി പ്രതിനിധിസംഘം സന്ദർശിച്ചു.
ലബനാനിലെ അച്ചാനയിലുള്ള പാത്രിയാർക്കീസ് ബാവയുടെ അരമനയിൽ െവച്ചാണ് കൂടിക്കാഴ്ച നടന്നത്.
മലങ്കര യാക്കോബായ സുറിയാനി സഭയുടെ പ്രാദേശിക തലവനായി അബൂൻ മോർ ബസേലിയോസ്‌ ജോസഫ് കാതോലിക്ക ബാവയുടെ സ്ഥാനാരോഹണ ശുശ്രൂഷയിൽ പങ്കെടുക്കാനാണ് ബഹ്‌റൈൻ സംഘം ലബനാനിൽ എത്തിയത്. സംഘത്തിൽ ബഹ്‌റൈൻ സെന്റ് പീറ്റേഴ്സ് യാക്കോബായ സുറിയാനി പള്ളിവികാരിയും മുൻ മലങ്കര യാക്കോബായ സുറിയാനി സഭാ വൈദിക ട്രസ്റ്റി വെരി. റവ. സ്ലീബാ പോൾ കോർഎപ്പിസ്കോപ്പ, ഇടവക ട്രസ്റ്റി ജെൻസൺ മണ്ണൂർ, മുൻ ഇടവക സെക്രട്ടറിമാരായ ആൻസൺ ഐസക്, പോൾ വർഗീസ്, ഷാജ് ബാബു, മുൻ സഭാ മാനേജിങ് കമ്മിറ്റി അംഗം ബിനു കുന്നന്താനം, ജോജി ചെറിയാൻ വേലം പറമ്പിൽ, ലിസി പോൾ, റെനി ചെറിയാൻ, ജീപ ഷാജ്, ടീന മാത്യു നെല്ലിക്കൻ തുടങ്ങി പതിനൊന്ന് അംഗങ്ങൾ സംഘത്തിൽ ഉണ്ടായിരുന്നു. മലങ്കര യാക്കോബായ സുറിയാനി സഭയുടെ പ്രാദേശിക തലവനായി വാഴിക്കപ്പെട്ട ശ്രേഷ്ഠ കാതോലിക്ക ബസേലിയോസ്‌ ജോസഫ് മലങ്കര മെത്രാപോലീത്തയെയും സംഘം സന്ദർശിക്കുകയും, ബഹ്‌റൈൻ ഇടവകയുടെ ആശംസകൾ അറിയിക്കുകയുംചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.