മനാമ: മനുഷ്യക്കടത്ത് കേസിലെ പ്രതികൾക്ക് 10 വർഷം തടവിന് ഹൈ ക്രിമിനൽ കോടതി വിധിച്ചു. സമാനമായ മൂന്ന് കേസുകളിലാണ് കോടതി വിധി പറഞ്ഞത്. ഒന്നും രണ്ടും കേസുകളിലെ ആദ്യ പ്രതികൾക്ക് 10 വർഷം വീതം തടവും 2,000 ദീനാർ വീതം പിഴയും ഒന്നാം കേസിലെ രണ്ടാം പ്രതിക്ക് ഏഴ് വർഷം തടവും 2,000 ദീനാർ പിഴയും വിധിച്ചു. മൂന്നാമത് കേസിലെ പ്രതികൾക്ക് അഞ്ച് വർഷം വീതം തടവും 2,000 ദീനാർ പിഴയും വിധിച്ചു.
ഇരകളെ അവരുടെ നാട്ടിലേക്ക് തിരിച്ചയക്കുന്നതിനുള്ള ചെലവ് വഹിക്കാനും കോടതി ഉത്തരവുണ്ട്. ശിക്ഷ തീർന്നതിനു ശേഷം പ്രവാസികളായ പ്രതികളെ ബഹ്റൈനിലേക്ക് തിരികെ വരാനാകാത്ത വിധം നാടുകടത്തും. യുവതികളെ ജോലി നൽകാമെന്ന് പ്രലോഭിപ്പിച്ച് ബഹ്റൈനിലെത്തിച്ച് അനാശാസ്യത്തിന് പ്രേരിപ്പിച്ചുവെന്നാണ് കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.