ഡോ. തിയഡോഷ്യസ് മാർത്തോമ മെത്രാപ്പൊലീത്തയെ ഡോ. ജോസഫ് മാർ ദിവന്നാസിയോസ് മെത്രാപ്പൊലീത്ത സന്ദർശിച്ചപ്പോൾ
മനാമ: ബഹ്റൈൻ മാര്‍ത്തോമ പാരീഷില്‍ ദുഃഖ വെള്ളിയാഴ്ച ശുശ്രൂഷകള്‍ക്ക് നേതൃത്വം നല്‍കാനെത്തിയ മലങ്കര മാർത്തോമ സുറിയാനി സഭയുടെ മേലധ്യക്ഷൻ ഡോ. തിയഡോഷ്യസ് മാർത്തോമ മെത്രാപ്പൊലീത്തയെ മലങ്കര ഓര്‍ത്തഡോക്സ് സഭയുടെ കൊല്ലം ഭദ്രാസനാധിപനും സഭയുടെ സൺഡേ സ്കൂള്‍ പ്രസ്ഥാനത്തിന്റെ പ്രസിഡന്റുമായ ഡോ. ജോസഫ് മാർ ദിവന്നാസിയോസ് മെത്രാപ്പൊലീത്തായും ബഹ്റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രല്‍ ഭാരവാഹികളും സന്ദര്‍ശിച്ചു.
സെന്റ് മേരീസ് കത്തീഡ്രലിലെ ഹാശാ ആഴ്ച ശുശ്രൂഷകള്‍ക്ക് മുഖ്യ കാര്‍മികത്വം വഹിക്കാന്‍ എത്തിയതാണ് ദിവന്നാസിയോസ് മെത്രാപ്പൊലീത്ത. ഇരുവരും ഈസ്റ്റര്‍ ആശംസ കൈമാറി. മാര്‍ത്തോമ പാരീഷ് വികാരി ഡേവിഡ് ടൈറ്റസ്, സെന്റ് മേരീസ് ഇടവക വികാരി ഫാ. പോള്‍ മാത്യു, സഹ വികാരി ഫാ. സുനില്‍ കുര്യന്‍ ബേബി, ട്രസ്റ്റി ജീസണ്‍ ജോര്‍ജ്, സെക്രട്ടറി ജേക്കബ് പി. മാത്യു എന്നിവര്‍ സന്നിഹിതരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.