മനാമ: ഇന്ത്യൻ ക്ലബ് ഓണം ഫെസ്റ്റ് 2024ന് ആവേശകരമായ തുടക്കം. ഒക്ടോബർ നാലു വരെ നിരവധി പരിപാടികളാണ് സംഘടിപ്പിച്ചിരിക്കുന്നത്. ഉദ്ഘാടന പരിപാടിയിൽ ഇന്ത്യൻ അംബാസഡർ വിനോദ് കെ. ജേക്കബ് മുഖ്യാതിഥിയായിരുന്നു. ഉദ്ഘാടനച്ചടങ്ങിനുശേഷം ഓണപ്പുടവ (പരമ്പരാഗത ഓണവേഷം) മത്സരവും സിനിമാറ്റിക് ഡാൻസും അരങ്ങേറി. വെള്ളിയാഴ്ച പായസമത്സരം, ചെണ്ടമേളം, വടംവലി മത്സരം എന്നിവ നടക്കും.
രാത്രി 7.30 മുതലാണ് പരിപാടി. 28ന് തിരുവാതിര മത്സരവും ഓണപ്പാട്ട് മത്സരങ്ങളും നടക്കും. ഒക്ടോബർ മൂന്നിന് പ്രശസ്ത പിന്നണി ഗായികയും നാടൻപാട്ട് കലാകാരിയുമായ പ്രസീത ചാലക്കുടിയുടെ പരിപാടി രാത്രി 7.30ന് ആരംഭിക്കും. ഒക്ടോബർ നാലിന് പൂക്കളമത്സരം, ഓണച്ചന്ത, ഘോഷയാത്ര തുടർന്ന് ആരവം ബഹ്റൈൻ അവതരിപ്പിക്കുന്ന ഫോക് മ്യൂസിക് ആൻഡ് ഫ്യൂഷൻ ബാൻഡ് മത്സരം എന്നിവ നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.