ഐ.സി.ആർ.എഫ് ചെയർമാൻ അഡ്വ. വി.കെ. തോമസിനെ ഫ്രണ്ട്സ് ഓഫ് ബഹ്റൈൻ ആദരിക്കുന്നു
മനാമ: ഇന്ത്യൻ കമ്യൂണിറ്റി റിലീഫ് ഫണ്ടിന്റെ (ഐ.സി.ആർ.എഫ്) പുതിയ ചെയർമാനായി തിരഞ്ഞെടുക്കപ്പെട്ട അഡ്വ. വി.കെ. തോമസിനെ ഫ്രണ്ട്സ് ഓഫ് ബഹ്റൈൻ ആദരിച്ചു. നിരവധി വർഷങ്ങളായി ബഹ്റൈനിൽ സാംസ്കാരിക ജീവകാരുണ്യ, നിയമ സഹായ മേഖലകളിൽ നിസ്വാർഥ സേവനം നടത്തിവരുന്ന അഡ്വ. വി.കെ. തോമസിന്റെ നേതൃത്വത്തിലുള്ള പുതിയ കമ്മിറ്റിക്ക് ഇന്ത്യൻ എംബസിയുമായി ചേർന്നുനിന്ന് സാധാരണക്കാരായ ഇന്ത്യക്കാരുടെ പ്രശ്നങ്ങൾക്ക് വേഗത്തിൽ പരിഹാരം ഉണ്ടാക്കാൻ കഴിയട്ടെ എന്ന് യോഗം ആശംസിച്ചു.
കലവറ പാർട്ടി ഹാളിൽ കൂടിയ യോഗത്തിൽ എ.ഒ. ജോണി സ്വാഗതം ആശംസിച്ചു. ബിനു രാജ്, വർഗീസ് ടി. ഐപ്പ്, എബി കുരുവിള, സജി ഫിലിപ് എന്നിവർ സംസാരിച്ചു. എൻ.കെ മാത്യു നന്ദി അറിയിച്ചു. ഷിബു സി. ജോർജ്, ബിനോജ് മാത്യു, അജു ടി. കോശി, ബിനു പാപ്പച്ചൻ, റിജോ തങ്കച്ചൻ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.