ഇന്ത്യൻ സോഷ്യൽ ഫോറം ഫുട്ബാൾ ക്ലബ്‌ സംഘടിപ്പിക്കുന്ന ഫുട്ബാൾ ടൂർണമെന്‍റിന്റെ സ്വാഗത സംഘം രൂപവത്കരണ യോഗത്തിൽനിന്ന്
മനാമ: ഇന്ത്യൻ സോഷ്യൽ ഫോറം ഫുട്ബാൾ ക്ലബ്‌ സംഘടിപ്പിക്കുന്ന നാലാമത് റോളിങ് ട്രോഫിക്കു വേണ്ടിയുള്ള ഫുട്ബാൾ ടൂർണമെന്റ് ജൂലൈ 10,11,14,15 തീയതികളിൽ ഹൂറ ഗോസി മാളിന് സമീപമുള്ള ഗ്രൗണ്ടിൽ നടക്കും.
ബഹ്‌റൈനിലെ വിവിധ ഇന്ത്യൻ ഫുട്ബാൾ ക്ലബുകളുടെ പ്രതിനിധികൾ പങ്കെടുത്ത യോഗത്തിൽ വിപുലമായ സ്വാഗതസംഘം രൂപവത്കരിച്ചു. ബഹ്‌റൈനിലെ എല്ലാ ഇന്ത്യൻ ഫുട്ബാൾ ക്ലബുകളുടെയും പ്രഫഷനൽ ടീമുകളെ അണിനിരത്തിയാണ് ടൂർണമെന്റ് സംഘടിപ്പിക്കുന്നതെന്ന് സംഘാടകർ അറിയിച്ചു. ഇന്ത്യൻ സോഷ്യൽ ഫോറം ജനറൽ സെക്രട്ടറി റഫീഖ് അബ്ബാസിന്റെ അധ്യക്ഷതയിൽ നടന്ന ചടങ്ങിൽ സെൻട്രൽ കമ്മിറ്റി അംഗങ്ങളായ യൂസഫ് അലി, ഇന്ത്യൻ സോഷ്യൽ ഫോറം കേരള ഘടകം പ്രസിഡന്‍റ് സെയ്ഫ് അഴീക്കോട്, സെക്രട്ടറി അസീർ പാപ്പിനിശ്ശേരി, ക്ലബ്‌ ഭാരവാഹികളായ ഹംസ വല്ലപ്പുഴ, നിയാസ് തെയ്യൻ എന്നിവർ പങ്കെടുത്തു. സ്പോർട്സ് സെക്രട്ടറി റഷീദ് സയിദ് സ്വാഗതവും ഫുട്ബാൾ ക്ലബ്‌ പ്രസിഡന്‍റ് മുസ്തഫ ടോപ്മാൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.