കോസ്റ്റ് ഗാർഡിന്റെ നേതൃത്വത്തിൽ മനാമ സെൻട്രൽ മാർക്കറ്റിൽ നടന്ന പരിശോധന
മനാമ: മനാമ സെൻട്രൽ മാർക്കറ്റിൽ സംയുക്ത പരിശോധന നടത്തി കോസ്റ്റ് ഗാർഡ്. ആഭ്യന്തര മന്ത്രാലയം, ലേബർ മാർക്കറ്റ് അതോറിറ്റി (എൽ.എം.ആർ.എ), മാരിടൈം കൺട്രോൾ ആൻഡ് ഇൻസ്പെക്ഷൻ ഡയറക്ടറേറ്റ് എന്നിവരെ ഏകോപിപ്പിച്ചാണ് പരിശോധന നടത്തിയത്.
രാജ്യത്ത് മത്സ്യ ബന്ധന നിരോധനമടക്കമുള്ള നിയമങ്ങൾ നിലനിൽക്കുന്ന സാഹചര്യത്തിൽ സമുദ്രവിഭവങ്ങൾ സംരക്ഷിക്കുന്നതിനും നിയമലംഘനങ്ങൾ തടയുന്നതിനും ലക്ഷ്യമിട്ടായിരുന്നു ഫിഷ് മാർക്കറ്റിലടക്കം പരിശോധന നടത്തിയത്.
നിയമങ്ങൾ ലംഘിച്ചതിനും ലൈസൻസില്ലാതെ തൊഴിലിൽ ഏർപ്പെട്ടതിനും നിരവധി വ്യക്തികളെ അധികൃതർ അറസ്റ്റ് ചെയ്തു. പിടിയിലായവർക്കെതിരെ നിയമനടപടികൾ സ്വീകരിച്ചിട്ടുണ്ടെന്നും അധികൃതർ അറിയിച്ചു.
എല്ലാ മത്സ്യത്തൊഴിലാളികളും രാജ്യത്തിന്‍റെ മത്സ്യബന്ധന നിയമങ്ങളും ചട്ടങ്ങളും പാലിക്കേണ്ടതിന്‍റെ പ്രാധാന്യം കോസ്റ്റ് ഗാർഡ് ഊന്നിപ്പറഞ്ഞു. ബഹ്റൈന്‍റെ സമുദ്രസമ്പത്ത് സംരക്ഷിക്കുന്നതിന്‍റെ ഭാഗമായി ഇത്തരം പരിശോധനകൾ തുടരുമെന്നും കോസ്റ്റ് ഗാർഡ് സ്ഥിരീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.