മലർവാടി മഴവില്ല് മെഗാ ചിത്രരചന മത്സര രജിസ്ട്രേഷനുള്ള കിയോസ്ക് ഉദ്ഘാടനം ചെയ്യുന്നു
മനാമ: പ്രവാസി വിദ്യാർഥികളിൽ വിജ്ഞാനത്തോടൊപ്പം മൂല്യബോധവും സർഗാത്മകതയും വളർത്തിയെടുക്കാനായി ഐമാക് കൊച്ചിൻ കലാഭവനുമായി ചേർന്ന് ഡിസംബർ 17ന് സംഘടിപ്പിക്കുന്ന മലർവാടി മഴവില്ല് മെഗാ ചിത്രരചന മത്സര രജിസ്ട്രേഷനുള്ള കിയോസ്ക് ആരംഭിച്ചു. ഫ്രൻഡ്സ് കേന്ദ്ര ഓഫിസിൽ മനാമ ഏരിയ സംഘടിപ്പിച്ച രജിസ്ട്രേഷൻ കിയോസ്ക് ഹംദ ഹാരിസും കൂട്ടുകാരും ചേർന്ന് ഉദ്ഘാടനം ചെയ്തു.
നാലുമുതൽ 12 വയസ്സുവരെയുള്ള വിദ്യാർഥികൾക്കായി കിഡ്സ്, സബ്ജൂനിയർ, ജൂനിയർ എന്നീ മൂന്ന് വിഭാഗങ്ങളിലായാണ് ചിത്രരചന മത്സരം നടക്കുക. ചടങ്ങിൽ ഫ്രൻഡ്സ് മനാമ ഏരിയ പ്രസിഡൻറ് വി.പി. ഫാറൂഖ്, ഏരിയ സെക്രട്ടറി ടി.കെ. സിറാജുദ്ദീൻ, മലർവാടി മനാമ ഏരിയ കോഓഡിനേറ്റർ നൂറ ഷൗക്കത്തലി തുടങ്ങിയവർ സന്നിഹിതരായിരുന്നു. രജിസ്ട്രേഷനും മറ്റു വിവരങ്ങൾക്കും 39741432, 35665700, 35087473, 33049574 എന്നീ നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.