അംഗീകാരപത്രം ഹെൽപ് െഡസ്‌ക് കൺവീനർ രാജേഷ് ചേരാവള്ളി നോർക്ക സി.ഇ.ഒ ഹരികൃഷ്ണൻ
നമ്പൂതിരിയിൽനിന്ന് സ്വീകരിക്കുന്നു
മനാമ: ബഹ്റൈൻ കേരളീയ സമാജത്തിൽ പ്രവർത്തിക്കുന്ന നോർക്ക ഹെൽപ് ഡസ്‌ക് സേവനങ്ങൾ അടുത്ത അഞ്ചു വർഷത്തേക്കുകൂടി നീട്ടിയുള്ള അംഗീകാരം നോർക്ക ഓഫിസിൽ നിന്നും ലഭിച്ചതായി പ്രസിഡൻറ് പി.വി. രാധാകൃഷ്ണ പിള്ളയും ജനറൽ സെക്രട്ടറി വർഗീസ് കാരക്കലും അറിയിച്ചു. ഇത് സംബന്ധിച്ചുള്ള രേഖകൾ തിരുവന്തപുരം നോർക്ക ഓഫിസിൽ നിന്നും സമാജം നോർക്ക ഹെൽപ് െഡസ്‌ക് കൺവീനർ രാജേഷ് ചേരാവള്ളി, നോർക്ക സി.ഇ.ഒ ഹരികൃഷ്ണൻ നമ്പൂതിരിയിൽ നിന്നും സ്വീകരിച്ചു.
നേർക്ക റൂട്ട്സ് ജനറൽ മാനേജർ ഡി. ജഗതീഷ്, അസി. മാനേജർ ശ്രീലത എന്നിവർ സന്നിഹിതരായിരുന്നു. കോവിഡ് നിയന്ത്രണങ്ങളുള്ളതിനാൽ സമാജത്തിലെ നോർക്ക ഹെൽപ് െഡസ്ക്കിൽ ഇതിനകം ലഭിച്ച തിരിച്ചറിയൽ കാർഡുകളും ക്ഷേമനിധി കാർഡുകളും വെള്ളി, ശനി ദിവസങ്ങളിൽ വൈകീട്ട് ആറു മുതൽ എട്ടു വരെ നൽകുന്നുണ്ട്. നോർക്ക ആംബുലൻസ് സേവനം, നിയമ സഹായം തുടങ്ങിയ വിവിധ സേവനങ്ങൾ സംബന്ധിച്ചുള്ള വിവരങ്ങൾക്ക് ബഹ്റൈൻ കേരളീയ സമാജം വൈസ് പ്രസിഡൻറ് ദേവദാസ് കുന്നത്ത് (39449287), ചാരിറ്റി- നോർക്ക കമ്മിറ്റി ജനറൽ കൺവീനർ കെ.ടി. സലിം (33750999) എന്നിവരെ ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.