ഡോ. മാത്യൂസ് മാർ തിമോത്തിയോസ് മെത്രാപ്പോലീത്തക്ക് മന്ന പ്രവര്‍ത്തകര്‍ നല്കിയ
സ്വീകരണ യോഗത്തില്നിന്ന്
മനാമ: മലങ്കര ഓര്‍ത്തഡോക്സ് സഭയുടെ ചെങ്ങന്നൂര്‍ ഭദ്രാസനാധിപനും സെന്റ് തോമസ് വൈദിക സംഘം പ്രസിഡന്റുമായ ഡോ. മാത്യൂസ് മാർ തീമോത്തിയോസ് മെത്രാപ്പോലീത്തക്ക് ബഹ്റൈനിലെ മാവേലിക്കര ഭദ്രാസന അംഗങ്ങളുടെ കൂട്ടായ്മയായ ‘മന്ന’ പ്രവര്‍ത്തകര്‍ സ്വീകരണം നല്‍കി.
ബഹ്റൈന്‍ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലിലെ പീഡാനുഭവവാര ശുശ്രൂഷകള്‍ക്ക് നേതൃത്വം നല്‍കാന്‍ എത്തിയതാണ് അഭിവന്ദ്യ മെത്രാപ്പോലീത്ത. മന്ന പ്രസിഡന്‍റ് ടി.ഐ. വർഗീസ് സ്വാഗതം പറഞ്ഞു.
യോഗത്തില്‍ സെന്റ് മേരീസ് കത്തീഡ്രല്‍ വികാരി റവ. ഫാ. ജേക്കബ് തോമസ് കാരയ്ക്കല്‍, സഹ വികാരി റവ. ഫാ. തോമസുകുട്ടി പി.എന്‍ എന്നിവരും സന്നിഹിതരായിരുന്നു.
സി.പി. വര്‍ഗീസ്, സോമന്‍ ബേബി എന്നിവര്‍ ആശംസകള്‍ അറിയിക്കുകയും തിരുമേനിക്ക് മന്നയുടെ ഉപഹാരം നല്‍കുകയും ചെയ്തു. അദ്ദേഹത്തിന്റെ മറുപടി പ്രസംഗത്തില്‍ ചെങ്ങന്നൂര്‍ ഭദ്രാസനത്തിന്റെ വിവിധങ്ങളായ വളര്‍ച്ചയെക്കുറിച്ച് സംസാരിക്കുകയും, ഇന്ന് കാലം ചെയ്ത പരിശുദ്ധ പത്രോസ് ശ്ലീഹായുടെ പിൻഗാമി പരിശുദ്ധ ഫ്രാൻസിസ് മാർപാപ്പയുടെ വിടവാങ്ങലില്‍ അനുശോചനം മന്നയുടെ പേരില്‍ അര്‍പ്പിക്കുകയും ചെയ്തു. സെക്രട്ടറി ഷിബു സി. ജോര്‍ജ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.