മനാമ: ലുലു ഹൈപ്പർ മാർക്കറ്റ് സൂപ്പർ ഫ്രൈഡേ ഷോപ്പിങ്ങിന് തയാറെടുത്തു. ബഹ്‌റൈനിലെ ഒമ്പത് ലുലു ഔട്ട്‌ലെറ്റുകളിലും നവംബർ 22 മുതൽ 29 വരെ ലാപ്‌ടോപ്പുകൾ, ഗെയിമുകൾ, ഗൃഹോപകരണങ്ങൾ, മൊബൈൽ ഫോണുകൾ, ഫാഷൻ, പലചരക്ക് ഉൽപന്നങ്ങൾ തുടങ്ങിയവ വമ്പിച്ച വിലക്കുറവിൽ വാങ്ങാനുള്ള അവസരമാണ് സൂപ്പർ ഫ്രൈഡേ ഒരുക്കുന്നത്.
ആകർഷകമായ ഡിസ്കൗണ്ടുകൾ, ബിഗ് ബാങ് പ്രത്യേക വില, ഫ്ലാഷ് വിൽപന എന്നിവ ഷോപ്പിങ് ഉത്സവത്തിന്റെ ഭാഗമായുണ്ടാകും. വിവിധ ഉൽപന്നങ്ങൾക്ക് 75 ശതമാനം വരെ വിലക്കുറവാണ് വാഗ്ദാനം ചെയ്യുന്നത്. ആഘോഷത്തിന്റെ ഭാഗമായി നവംബർ 24ന് ലുലു റാംലി മാളിലും നവംബർ 27ന് ഹിദ്ദിലും അർധരാത്രി ഷോപ്പിങ് ഉണ്ടാകും. ഈ ദിവസങ്ങളിൽ പുലർച്ച മൂന്നു വരെ ഹൈപ്പർ മാർക്കറ്റ് തുറന്നു പ്രവർത്തിക്കും. മാസ്റ്റർകാർഡ് ക്രെഡിറ്റ് കാർഡ് ഉപയോഗിച്ച് ഓൺലൈൻ ഷോപ്പിങ് നടത്തുന്നവർക്ക് 20 ശതമാനം പ്രത്യേക കിഴിവ് ലഭിക്കും. എല്ലാ ലുലു സ്റ്റോറുകളിലും www.Luluhypermarket.com എന്ന ഓൺലൈൻ പ്ലാറ്റ്ഫോമിലും ലുലു ഷോപ്പിങ് ആപ്പിലും ഓഫറുകൾ ലഭ്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.