മലങ്കര മാർത്തോമ്മാ സുറിയാനി സഭയുടെ പുതിയ സഫ്രഗൻ മെത്രാപ്പോലീത്തമാരെ അനുമോദിക്കാൻ ബഹ്റൈൻ മാർത്തോമ്മാ ഇടവകയുടെ ആഭിമുഖ്യത്തിൽ സംഘടിപ്പിച്ച ചടങ്ങിൽനിന്ന്
മനാമ: മലങ്കര മാർത്തോമ്മാ സുറിയാനി സഭയുടെ സഫ്രഗൻ മെത്രാപ്പോലീത്താമാരായി സ്ഥാനമേറ്റ ഡോ. യുയാക്കീം മാർ കൂറിലോസ് സഫ്രഗൻ മെത്രാപ്പോലീത്താ, ജോസഫ് മാർ ബർണബാസ് സഫ്രഗൻ മെത്രാപ്പോലീത്താ എന്നിവരെ ബഹ്റൈൻ മാർത്തോമ്മാ ഇടവക അനുമോദിച്ചു. ഒാൺലൈനിൽ നടന്ന പരിപാടിയിൽ ഇടവക വികാരി ഫാ. ഡേവിഡ് വി. ടൈറ്റസ് അധ്യക്ഷത വഹിച്ചു.
ഇടവക വൈസ് പ്രസിഡൻറ് കുരുവിള വർക്കി പ്രാരംഭ പ്രാർഥന നടത്തി. സീറോ മലങ്കര കത്തോലിക്കാ സഭയുടെ മേജർ ആർച്ച് ബിഷപ് മോറോൻ മാർ ബസേലിയോസ്‌ ക്ലീമിസ് കാതോലിക്കാ ബാവ അനുഗ്രഹ പ്രഭാഷണം നടത്തി. കേരളാ ആരോഗ്യ മന്ത്രി വീണാ ജോജ് വിഡിയോ സന്ദേശത്തിലൂടെ ആശംസകൾ അറിയിച്ചു. മാത്യു ടി. തോമസ് എം.എൽ.എ, ബഹ്റൈൻ കെ.സി.ഇ.സി പ്രസിഡൻറ് ഫാ. ദിലീപ് ഡേവിഡ്സൺ, പ്രമുഖ മാധ്യമ പ്രവർത്തകൻ സോമൻ ബേബി, ബഹ്റൈൻ കേരളീയ സമാജം പ്രസിഡൻറ് പി.വി രാധാകൃഷ്ണ പിള്ള, ഗൾഫ് റീജനൽ സഭ കൗൺസിൽ മെംബർ മനോജ് മാത്യു, സഭ മണ്ഡലം മെംബർ കോശി സാമുവേൽ, ഇടവക ട്രസ്റ്റി ബിജു കുഞ്ഞച്ചൻ എന്നിവർ ആശംസകൾ അർപ്പിച്ചു. ഡോ.യുയാക്കിം മാർ കൂറിലോസ് സഫ്രഗൻ മെത്രാപ്പോലീത്താ, ജോസഫ് മാർ ബർന്നബാസ് സഫ്രഗൻ മെത്രാപ്പോലീത്ത എന്നിവർ മറുപടി പ്രസംഗം നടത്തി.
ഇടവക സെക്രട്ടറി സൺസി ചെറിയാൻ സ്വാഗതവും പ്രോഗ്രാം കൺവീനർ രാജീവ് പി. മാത്യു നന്ദിയും പറഞ്ഞു. ഇടവക സഹവികാരി ഫാ. വി.പി. ജോൺ സമാപന പ്രാർഥന നടത്തി. പാരീഷ് കൊയർ, സൺ‌ഡേ സ്കൂൾ കൊയർ എന്നിവയുടെ നേതൃത്വത്തിൽ ഗാനങ്ങൾ ആലപിച്ചു. ജിജു വർഗീസ് പ്രോഗ്രാം അവതാരകനായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.