അ​ന്യാ​യ​മാ​യി ജോ​ലി​യി​ൽ​നി​ന്ന് പി​രി​ച്ചു​വി​ട്ടാ​ൽ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം

?എ​ന്നെ ജോ​ലി​യി​ൽ​നി​ന്നും പി​രി​ച്ചു​വി​ട്ടു. എ​നി​ക്ക് നോ​ട്ടീ​സ് ഒ​ന്നും ത​ന്നെ ത​ന്നി​ല്ല. പി​രി​ച്ചു​വി​ടു​ന്ന​തി​നു​മു​മ്പ് ചെ​യ്യേ​ണ്ട ന​ട​പ​ടി​ക്ര​മ​ങ്ങ​ൾ ഒ​ന്നും പാ​ലി​ച്ചി​ട്ടി​ല്ല. ഇ​ത് നി​യ​മ​പ​ര​മാ​ണോ - സു​നി​ൽ

• തൊ​ഴി​ൽ ക​രാ​ർ ര​ണ്ടു രീ​തി​യി​ൽ റ​ദ്ദു​ചെ​യ്യാ​ൻ സാ​ധി​ക്കും. 1. നോ​ട്ടീ​സ് ന​ൽ​കി തൊ​ഴി​ൽ ക​രാ​ർ റ​ദ്ദു​ചെ​യ്യാം. തൊ​ഴി​ൽ ക​രാ​റി​ൽ പ​റ​ഞ്ഞി​രി​ക്കു​ന്ന രീ​തി​യി​ലു​ള്ള നോ​ട്ടീ​സ്, അ​ല്ലെ​ങ്കി​ൽ കു​റ​ഞ്ഞ​ത് 30 ദി​വ​സ​ത്തെ നോ​ട്ടീ​സ് ന​ൽ​കി​യാ​ൽ ക​രാ​ർ റ​ദ്ദു ചെ​യ്യാം. 2. നോ​ട്ടീ​സോ, ന​ഷ്ട​പ​രി​ഹാ​ര​മോ ന​ൽ​കാ​തെ തൊ​ഴി​ൽ നി​യ​മ​ത്തി​ൽ പ​റ​യു​ന്ന ഏ​തെ​ങ്കി​ലും കാ​ര​ണ​മു​ണ്ടെ​ങ്കി​ൽ അ​ത് ചൂ​ണ്ടി​ക്കാ​ണി​ച്ച് തൊ​ഴി​ൽ ക​രാ​ർ റ​ദ്ദു​ചെ​യ്യാ​ൻ സാ​ധി​ക്കും. ഈ ​വി​ധ​ത്തി​ൽ തൊ​ഴി​ൽ ക​രാ​ർ റ​ദ്ദു​ചെ​യ്യാ​ൻ പ​റ​യു​ന്ന കാ​ര​ണ​ങ്ങ​ൾ താ​​ഴെ​പ്പ​റ​യു​ന്ന​വ​യാ​ണ്.

a. വ്യാ​ജ​രേ​ഖ​യോ ഐ​ഡ​ന്റി​റ്റി​യോ തൊ​ഴി​ലു​ട​മ​ക്ക് ന​ൽ​കു​ക.

b. തൊ​ഴി​ലാ​ളി തൊ​ഴി​ലു​ട​മ​ക്ക് ഭീ​മ​മാ​യ ന​ഷ്ടം വ​രു​ത്തു​ക. ഈ ​വി​വ​രം തൊ​ഴി​ലു​ട​മ ര​ണ്ടു ദി​വ​സ​ത്തി​ന​കം നി​യ​മ​പ​ര​മാ​യി അ​റി​യി​ക്കേ​ണ്ട അ​ധി​കാ​രി​ക​ളെ അ​റി​യി​ച്ചി​രി​ക്കേ​ണ്ട​തു​ണ്ട്.

c. തൊ​ഴി​ലു​ട​മ​യു​ടെ നി​ർ​ദേ​ശ​ങ്ങ​ൾ എ​ഴു​തി ന​ൽ​കി​യി​ട്ടും തൊ​ഴി​ലാ​ളി പാ​ലി​ക്കാ​തി​രി​ക്കു​ക. തൊ​ഴി​ൽ സം​ബ​ന്ധ​മാ​യി എ​ല്ലാ​വ​രും പാ​ലി​ക്കേ​ണ്ട നി​ർ​ദേ​ശ​ങ്ങ​ൾ എ​ല്ലാ​വ​ർ​ക്കും കാ​ണ​ത്ത​ക്ക​വി​ധം തൊ​ഴി​ൽ സ്ഥ​ല​ത്ത് നോ​ട്ടീ​സ് ബോ​ർ​ഡി​ൽ പ​തി​ച്ചി​രി​ക്ക​ണം.

d. ഒ​രു​വ​ർ​ഷ​ത്തി​നു​ള്ളി​ൽ ത​ക്ക​താ​യ കാ​ര​ണ​മി​ല്ലാ​തെ 20 ദി​വ​സം പ​ല​പ്പോ​ഴാ​യി ജോ​ലി​ക്ക് വ​രാ​തി​രി​ക്കു​ക. പ​ത്തു​ദി​വ​സം ക​ഴി​യു​മ്പോ​ൾ ഇ​തു​സം​ബ​ന്ധ​മാ​യ താ​ക്കീ​ത് നോ​ട്ടീ​സ് ന​ൽ​ക​ണം. അ​ല്ലെ​ങ്കി​ൽ തു​ട​ർ​ച്ച​യാ​യി 10 ദി​വ​സം തൊ​ഴി​ലി​ന് ത​ക്ക​താ​യ കാ​ര​ണ​മി​ല്ലാ​തെ വ​താ​തി​രി​ക്കു​ക. (ഇ​തി​ന് അ​ഞ്ചു​ദി​വ​സം ക​ഴി​ഞ്ഞാ​ൽ വാ​ണി​ങ് നോ​ട്ടീ​സ് ന​ൽ​കി​യി​രി​ക്ക​ണം).

e. തൊ​ഴി​ൽ ക​രാ​ർ പ്ര​കാ​ര​മു​ള്ള തൊ​ഴി​ൽ ചെ​യ്യാ​തി​രി​ക്കു​ക.

f. തൊ​ഴി​ൽ സം​ബ​ന്ധ​മാ​യ ര​ഹ​സ്യ​വി​വ​ര​ങ്ങ​ൾ തൊ​ഴി​ലു​ട​മ​യു​ടെ സ​മ്മ​ത​മി​ല്ലാ​തെ പ​ര​സ്യ​മാ​ക്കു​ക.

g. ഏ​തെ​ങ്കി​ലും കു​റ്റ​കൃ​ത്യ​ത്തി​ന് ശി​ക്ഷി​ക്ക​പ്പെ​ടു​ക.

h. മ​ദ്യ​മോ ല​ഹ​രി പ​ദാ​ർ​ഥ​മോ തൊ​ഴി​ൽ​സ​മ​യ​ത്ത് ഉ​പ​യോ​ഗി​ക്കു​ക.

i. തൊ​ഴി​ലു​ട​മ​യേ​യോ, അ​ദ്ദേ​ഹ​ത്തി​ന്റെ പ്ര​തി​നി​ധി​യേ​യോ തൊ​ഴി​ൽ സ​മ​യ​ത്ത് ഉ​പ​ദ്ര​വി​ക്കു​ക.

j. നി​യ​മ​പ​ര​മ​ല്ലാ​തെ സ​മ​രം ചെ​യ്യു​ക.

k. ഏ​തെ​ങ്കി​ലും കാ​ര​ണം കൊ​ണ്ട് ഇ​വി​ടെ താ​മ​സി​ക്കാ​നു​ള്ള അ​നു​മ​തി നി​ഷേ​ധി​ക്ക​പ്പെ​ടു​ക. അ​ല്ലെ​ങ്കി​ൽ പ്ര​ഫ​ഷ​ന​ൽ യോ​ഗ്യ​ത ന​ഷ്ട​മാ​കു​ക.

ഈ ​വ​കു​പ്പു​ക​ൾ പ്ര​കാ​രം തൊ​ഴി​ലി​ൽ നി​ന്ന് പി​രി​ച്ചു​വി​ടു​​മ്പോ​ൾ, നി​യ​മ​ത്തി​ൽ പ​റ​ഞ്ഞി​രി​ക്കു​ന്ന ന​ട​പ​ടി​ക്ര​മ​ങ്ങ​ൾ തൊ​ഴി​ലു​ട​മ പാ​ലി​ക്കേ​ണ്ട​തു​ണ്ട്. അ​ല്ലെ​ങ്കി​ൽ ആ ​ന​ട​പ​ടി അ​ന്യാ​യ​മാ​യ പി​രി​ച്ചു​വി​ട​ലാ​യി​ത്തീ​രും. താ​ങ്ക​ളു​ടെ കാ​ര്യ​ത്തി​ൽ എ​ൽ.​എം.​ആ​ർ.​എ​യി​ൽ പ​രാ​തി ന​ൽ​കാ​വു​ന്ന​താ​ണ്. അ​ല്ലെ​ങ്കി​ൽ ഒ​രു ബ​ഹ്റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം. അ​ദ്ദേ​ഹം തൊ​ഴി​ൽ കേ​സ് ന​ൽ​കു​ന്ന​തി​ന്റെ വി​വ​ര​ങ്ങ​ൾ പ​റ​ഞ്ഞു​ത​രും.