മനാമ: മൂല്യ വർധിത നികുതി (വാറ്റ്) നിയമം ലംഘിച്ചതിന് വാണിജ്യ, വ്യവസായ, വിനോദ സഞ്ചാര മന്ത്രാലയം 28 കേസുകൾ രജിസ്റ്റർ ചെയ്തു. രാജ്യത്തിന്റെ വിവിധ ഭാഗങ്ങളിൽ സ്ഥിതി ചെയ്യുന്ന 40 സ്ഥാപനങ്ങളിൽ നടത്തിയ പരിശോധനയിലാണ് ഇത്രയും നിയമ ലംഘനങ്ങൾ കണ്ടെത്തിയതെന്ന് ദേശീയ റവന്യൂ ബ്യൂറോ അറിയിച്ചു.
വാറ്റ് നിയമങ്ങൾ പാലിക്കുന്നതിൽ വീഴ്ച വരുത്തിയാൽ 10,000 ദീനാർ വരെ പിഴ ലഭിക്കാം.അതേസമയം, നികുതി വെട്ടിപ്പ് നടത്തിയാൽ സ്ഥാപനം അടച്ചുപൂട്ടുന്നതിന് പുറമേ, ക്രിമിനൽ കുറ്റവും നേരിടേണ്ടി വരും. അഞ്ചു വർഷം തടവും നികുതി വെട്ടിപ്പ് നടത്തിയ തുകയുടെ മൂന്നിരട്ടി പിഴയുമാണ് ശിക്ഷ. നിയമലംഘനങ്ങൾ ശ്രദ്ധയിൽപെട്ടാൽ 80008001എന്ന നമ്പറിൽ വിവരം അറിയിക്കണമെന്ന് അധികൃതർ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.