മനാമ: മെച്ചപ്പെട്ട ജീവിതം തേടി പ്രവാസലോകത്തെത്തി ഒറ്റപ്പെടുന്നവർ ഏറെയുണ്ട്. പ്രതിസന്ധി ഘട്ടം വന്നാൽ ആരോട് സഹായം തേടണമെന്ന് അറിയാത്തവരുണ്ട്. ഇൗ സാഹചര്യത്തിൽ മലയാളികളായ പ്രവാസികളെ സർക്കാറുമായി ചേർത്തുനിർത്തുന്നതിന് നോർക്ക റൂട്ട്സ് ആവിഷ്കരിച്ചതാണ് തിരിച്ചറിയൽ കാർഡ് സംവിധാനം. നോർക്ക് റൂട്ട്സ് മുഖേന ലഭ്യമായ വിവിധ സേവനങ്ങളും ആനുകൂല്യങ്ങളും ഉപയോഗപ്പെടുത്താൻ തിരിച്ചറിയൽ കാർഡ് പ്രവാസികളെ സഹായിക്കുന്നു. മൂന്ന് തിരിച്ചറിയൽ കാർഡുകളാണ് പ്രധാനമായും നൽകുന്നത്.
1. പ്രവാസി തിരിച്ചറിയല്‍ കാര്‍ഡ്
വിദേശ രാജ്യങ്ങളിൽ ജോലി ചെയ്യുന്ന പ്രവാസികൾക്കായി ആവിഷ്കരിച്ചതാണ് പ്രവാസി തിരിച്ചറിയൽ കാർഡ്. 2008 ആഗസ്റ്റിലാണ് കാർഡിെൻറ വിതരണം ആരംഭിച്ചത്.
ഇൗ വിവിധോദ്ദേശ്യ തിരിച്ചറിയൽ കാർഡിനൊപ്പം പേഴ്സനൽ ആക്സിഡൻറ് ഇൻഷുറൻസ് കവറേജ് എന്ന അധിക ആനുകൂല്യവുമുണ്ട്. അപകടമരണത്തിന് പരമാവധി നാല് ലക്ഷം രൂപവരെ ഇന്‍ഷുറന്‍സ് പരിരക്ഷ, അപകടം മൂലം സ്ഥിരം/ പൂര്‍ണം/ ഭാഗിക വൈകല്യത്തിന് രണ്ടുലക്ഷം രൂപവരെ ഇന്‍ഷുറന്‍സ് ആനുകൂല്യവുമാണ് ലഭിക്കുക.
മൂന്നുവര്‍ഷമാണ് ഇൗ തിരിച്ചറിയൽ കാര്‍ഡിന്‍റെ കാലാവധി. അതിനുശേഷം പുതുക്കണം. പുതിയ കാർഡിന് അപേക്ഷിക്കുേമ്പാൾ 315 രൂപ രജിസ്ട്രേഷൻ ഫീസ് നൽകണം. പുതിയ കാര്‍ഡ് എടുക്കാനും പുതുക്കാനും ഓണ്‍ലൈനായി അപേക്ഷിക്കാം.
ആർക്ക് അപേക്ഷിക്കാം
കുറഞ്ഞത് ആറുമാസം സാധുതയുള്ള വിസ, പാസ്പോര്‍ട്ട് എന്നിവയോടെ വിദേശത്ത് താമസിക്കുകയോ ജോലിചെയ്യുന്നതോ ആയ പ്രവാസി മലയാളിയാകണം. അപേക്ഷകർക്ക് 18 വയസ്സ് പൂര്‍ത്തിയാകണം. പാസ്പോര്‍ട്ട്, വിസ എന്നിവയുടെ പ്രസക്തമായ പേജുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതമാണ് അപേക്ഷിക്കേണ്ടത്.
2. വിദ്യാർഥി തിരിച്ചറിയല്‍ കാര്‍ഡ്
വിദേശ പഠനത്തിനുപോകുന്ന കേരളീയ വിദ്യാർഥികള്‍ക്കുള്ള തിരിച്ചറിയല്‍ കാര്‍ഡ് എന്ന നിലയില്‍ 2020 ഏപ്രിലാണ് ഇത് ആരംഭിച്ചത്. വിദേശത്ത് അഡ്മിഷന്‍ നടപടികള്‍ പൂര്‍ത്തിയാക്കിയ മലയാളി വിദ്യാർഥികള്‍ക്കും നിലവില്‍ വിദേശത്ത് പഠിക്കുന്നവര്‍ക്കും ഇൗ കാർഡിന് അപേക്ഷിക്കാം. അപേക്ഷകർക്ക് 18 വയസ്സ് പൂര്‍ത്തിയാകണം.
വിദേശ പഠനം തെളിയിക്കുന്ന രേഖകളുടെ പകര്‍പ്പുകള്‍, അഡ്മിഷന്‍ നടപടികള്‍ പൂര്‍ത്തിയാക്കിയ രേഖകള്‍ എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ അപേക്ഷയോടൊപ്പം സമര്‍പ്പിക്കണം.
പേഴ്സനൽ ആക്സിഡൻറ് ഇൻഷുറൻസ് കവറേജ് എന്ന അധിക ആനുകൂല്യം ഇൗ കാർഡിനൊപ്പവും ലഭിക്കും. അപകടമരണത്തിന് പരമാവധി നാല് ലക്ഷം രൂപവരെ ഇന്‍ഷുറന്‍സ് പരിരക്ഷ, അപകടം മൂലം സ്ഥിരം/ പൂര്‍ണം/ ഭാഗിക വൈകല്യത്തിന് രണ്ട് ലക്ഷം രൂപവരെ ഇന്‍ഷുറന്‍സ് ആനുകൂല്യം എന്നിവ ലഭിക്കും.
കാർഡുടമകൾക്ക് വ്യവസ്ഥകള്‍ക്ക് വിധേയമായി വിമാന യാത്രാനിരക്കില്‍ ഇളവും ലഭിക്കും. മൂന്നുവര്‍ഷമാണ് കാര്‍ഡിന്‍റെ കാലാവധി. രജിസ്ട്രേഷന്‍ ഫീസായി 315 രൂപ അടക്കണം. കാര്‍ഡ് പുതുക്കാനും പുതുതായി അപേക്ഷിക്കാനും നോർക്ക റൂട്ട്സിെൻറ വെബ്സൈറ്റ് വഴി ഓണ്‍ലൈനായും ഫീസ് അടക്കാം.
3. എന്‍.ആര്‍.കെ ഇന്‍ഷുറന്‍സ് കാര്‍ഡ്
മറുനാടന്‍ മലയാളികള്‍ക്കുള്ള (ഇതര സംസ്ഥാനങ്ങളില്‍ താമസിക്കുന്ന മലയാളികള്‍) തിരിച്ചറിയല്‍ കാര്‍ഡ് എന്ന നിലയില്‍ 2012 ജൂണിലാണ് എന്‍.ആര്‍.കെ ഇന്‍ഷുറന്‍സ് കാര്‍ഡ് ആരംഭിച്ചത്. നോര്‍ക്ക സഹായ പദ്ധതികളുടെ ആനുകൂല്യങ്ങള്‍ ലഭിക്കുന്നതിനുള്ള തിരിച്ചറിയല്‍ കാര്‍ഡായി ഇത് ഉപയോഗിക്കാം.
പേഴ്സനൽ ആക്സിഡൻറ് ഇൻഷുറൻസ് കവറേജ് എന്ന അധിക ആനുകൂല്യം ഇൗ കാർഡിനൊപ്പവും ലഭിക്കും. അപകടമരണത്തിന് പരമാവധി നാല് ലക്ഷം രൂപ വരെ ഇന്‍ഷുറന്‍സ് പരിരക്ഷ ലഭിക്കും. അപകടത്തെത്തുടര്‍ന്നുണ്ടാകുന്ന സ്ഥിരം/പൂര്‍ണ/ഭാഗിക അംഗവൈകല്യത്തിന് രണ്ട് ലക്ഷം രൂപ വരെ ലഭിക്കും.
മൂന്ന് വർഷമാണ് കാർഡിെൻറ കാലാവധി. പുതിയ കാർഡിന് അപേക്ഷിക്കുേമ്പാൾ 315 രൂപ രജിസ്ട്രേഷന്‍ ഫീസ് നൽകണം. കാര്‍ഡ് പുതുക്കാനും പുതുതായി അപേക്ഷിക്കാനും ഓണ്‍ലൈനായി ഫീസടക്കാം.
കഴിഞ്ഞ രണ്ടുവര്‍ഷമായി ഇതരസംസ്ഥാനങ്ങളില്‍ താമസിക്കുകയോ ജോലി ചെയ്യുകയോ ചെയ്യുന്ന, 18 വയസ്സ് പൂർത്തിയായ മറുനാടന്‍ കേരളീയര്‍ (എൻ.ആർ.കെ) ആകണം അപേക്ഷകർ.
സര്‍ക്കാര്‍ തിരിച്ചറിയല്‍ രേഖ, അതതു സംസ്ഥാനത്തെ താമസത്തിെൻറ രേഖ എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ അപേക്ഷയോടൊപ്പം സമര്‍പ്പിക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.