കുവൈത്ത് സിറ്റി: റമദാൻ മാസത്തിലെ ബാങ്കുകളുടെ പ്രവൃത്തി സമയം പുനഃക്രമീകരിച്ചു. രാവിലെ 9.30 മുതൽ ഉച്ചക്ക് 1.30 വരെയായിരിക്കും പ്രവൃത്തി സമയമെന്ന് ഫെഡറേഷൻ ഓഫ് കുവൈത്ത് ബാങ്ക് പബ്ലിക് റിലേഷൻസ് ഡയറക്ടർ ശൈഖ അൽ എസ്സ അറിയിച്ചു.
ആഭ്യന്തര മന്ത്രാലയത്തിലെ ജനറൽ അഡ്മിനിസ്ട്രേഷൻ ഓഫ് റിലേഷൻസ് ആൻഡ് സെക്യൂരിറ്റി മീഡിയ, കുവൈത്ത് നാഷനാലിറ്റി ആൻഡ് ട്രാവൽ ഡോക്യുമെന്റ്സിന്റെ ജനറൽ അഡ്മിനിസ്ട്രേഷനുമായി അഫിലിയേറ്റ് ചെയ്തിരിക്കുന്ന കേന്ദ്രങ്ങളുടെയും, ഗവർണറേറ്റുകളിലെ ദേശീയ ഐഡന്റിറ്റി സെന്ററുകളുടെയും പ്രവൃത്തി സമയവും ക്രമീകരിച്ചു. രാവിലെ 10 മുതൽ ഉച്ചക്ക് 2.30 വരെയാകും പ്രവർത്തനം. ക്യാപിറ്റൽ ഗവർണറേറ്റിലെ ദേശീയ ഐഡന്റിറ്റി സെന്റർ (അൽ-ഷാമിയ), അഹമ്മദി ഗവർണറേറ്റിലെ ദേശീയ ഐഡന്റിറ്റി സെന്റർ (ജാബർ അൽ അലി) എന്നിവ 2:30 മുതൽ 5:30 വരെ പ്രവർത്തിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.